«Нұрлы жол - болaшaққa бacтaр жол» жaңa экономикaлық caяcaтын тaлдaңыз.
Қазақстан Республикасы Ұлттық Инженерлік академиясының президенті
Бақытжан Жұмағұлов
Қазақстан Республикасы Ұлттық даму жүйесінің тиімділігін едәуір арттыруды өз мақсаты ретінде айқындай отырып, өз экономикасын реформалаудың жаңа кезеңіне аяқ басты. Қазақстан Республикасының Президенті Н.Ә. Назарбаевтың 2015 жыл қарсаңында Халыққа Жолдауы жаһандық экономикамен тығыз өзара іс-қимыл жасай отырып, ұлттық экономиканы жедел дамыту жолындағы жаңа стратегиялық жоба болды.
Президент қазіргі геосаяси процестерге және әлемдік экономиканың қазіргі проблемаларына назар аудара отырып, алдағы жылдарды жаһандық сынақтардың уақыты деп атады және біздің еліміз жаһандық өзгерістер мен көпполярлы әлемнің қалыптасу эпицентріне тікелей жақын екенін атап өтті.
Өз Жолдауында Қазақстан халқының одан әрі өркендеуге, бейбітшілікке және жоғары мақсаттарға қол жеткізуге бағытталған табысты қозғалысының терең ойластырылған және егжей — тегжейлі есептелген экономикалық және әлеуметтік стратегиясын ұсына отырып, президент оған "Нұрлы жол-болашаққа бастар жол"атауын берді. Бұл бағдарлама таяу жылдары отандық экономика өсімінің локомотиві болуға және елді әлемнің дамыған 30 елінің қатарына кіру жолында алға жылжытуға, әрбір қазақстандықтың әл-ауқаты мен өмір сүру сапасын арттыруға арналған.
"Нұрлы жол" өндіргіш күштердің түбегейлі жаңа құрылымын құруды көздейді, бұл Қазақстан Үкіметінің қолында дағдарысқа қарсы өзіндік құрал болуы тиіс. Осы бағдарлама аясында ел Президенті қызметтің негізгі бағыттарын белгіледі. Инфрақұрылымды дамытудың 7 басым бағыты нақты айқындалды. Өнеркәсіп өндірісіне, инженерлік ғылымға жататындар Қазақстан Республикасы Ұлттық Инженерлік академиясының таяудағы жылдарға арналған қызметінде басты бағдарға айналады.
