Медбикенің лауазымдық міндеттері туралы жалпы түсінік

Мейірбике өзінің лауазымдық қызметтерін орындау барысында

• мектепке дейінгі мекеме жарғысын;
• еңбек шартын;
• мекеме директорының бұйрықтары мен өкімдерін;
• лауазымдық нұсқаулықты;
• жұмыстың орындалатын тараулары бойынша ресми құжаттарды;
• еңбекті қорғау, қауіпсіздік техникасы, өндірістік санитария және өртке қарсы қорғану ережелері мен нормаларын басшылыққа алады.

• қызметкерлердің міндетті алдын ала (жұмысқа қабылданар кезде) және мерзімді (еңбек қызметі кезеңінде) медициналық тексеруден (қаралу) өтуіне жауап береді;
• медициналық мекемеден алған мәліметтер негізінде мерзімді медициналық тексеруге жататын адамдардың тізімін жасайды;
• саламатты өмір салтын, дұрыс тамақтануға балаларды баулу;
• оқу кабинеттерінің, тұрғын және басқа да үй-жайлардың, сондай-ақ ас блогінің қауіпсіздік нормалары мен ережелеріне сәйкес санитариялық-гигиеналық жағдайына ағымдағы бақылау жасайды;
• жарақаттанудың алдын алу және жұмыскерлердің, оқушылардың ауруларын азайту бойынша профилактикалық жұмыс жүргізеді;
• медициналық қызмет көрсету мен сауықтыру жұмысын жақсарту бойынша мемлекеттік мекемелермен бірлесіп шаралар қабылдайды;

• эпидемиялық көрсеткіштер бойынша профилактикалық егудің сақталуын қамтамасыз етеді;
• дәрі-дәрмектің, медициналық құрал-жабдықтың уақтылы алынуы мен сақталуын қамтамасыз етеді;
• медициналық кабинеттің реттілігін бақылайды, асептика мен антисептика ережелерінің сақталуын, құралдардың өз біліктілігі шегінде өңделуін қамтамасыз етеді;
• қажетті есептік-есептемелік құжаттама жүргізеді;
• техникалық персоналдың жұмысын қадағалайды; мектеп директоры бекіткен кесте бойынша жұмыс істейді.