СТУДЕНТТІҢ ӨЗІНДІК ЖҰМЫСТАРЫН ҰЙЫМДАСТЫРУҒА АРНАЛҒАН ӘДІСТЕМЕЛІК НҰСҚАУ
Жалпы талаптар
Өзіндік жұмыс – бұл ең алдымен өз бетінше ойлау. Ойлана білетін адам ғана творчестволық түрде жұмыс атқара алады. Лекцияларда, практикалық және басқа сабақтарда студенттерді өз бетінше ойлауға үйрету қажет. Жалпы алғанда, студенттердің өзіндік жұмысы деп олардың аудиторияда және аудиториядан тыс орындайтын жеке немесе топпен бірге білім алуға бағытталған іс – шараларын айтады.
СӨЖ сағаттары оқу жоспарында көрсетіледі, бірақ бұдан, пәннің жеке бөлімдерін немесе тақырыптарын түгелдей студенттің өз бетінше талдап оқуына беруге болады деген қорытынды шықпайды. Жұмыстық бағдарламамен күнтізбелік-тақырыптық жоспар түзгенде СӨЖ сағатын ескере отырып жеке тақырыптарды шолу түрінде өтуді, проблемалық және ситуациялық мәселелерді кеңінен енгізуді, мәліметтің қайталануын болдырмауды, техникалық оқу құралдарын қолдану арқылы лекция барысын интенсивті ету жақтарын қарастыру қажет. Сонымен бірге лабораториялық, практикалық және семинар сабақтары кезінде пәннің барлық негізгі бөлімдері қамтылуы тиіс.
Достарыңызбен бөлісу: |
