Бейүндес буынды кірме сөздерге қосымшалардың жалғануы Түбір мен қосымшаның және сөз аралығындағы дыбыстардың бір-бірімен өзара ықпал-
дасып, үйлесіп айтылуы
үндесім заңы деп аталады. Үндесім заңының (сингармонизм заңы)
ауызша тілдегі айтылымы мен жазбаша тілдегі жазылымының арасында айтарлықтай ай-
ырмашылық бар. Осымен байланысты үндесім екіге бөлінеді:
1) Тіл үндесімі – сөз құрамындағы дауысты дыбыстардың бірыңғай жуан, не бірыңғай
жіңішке айтылуы. Қазақ тілінде бұл негізгі дыбыстық заңдылық ретінде жазылымда сақта-
лады, яғни қазақ жазуы тіл үндестігін басшылыққа алады. Тіл үндестігінде сөз тек жуан
немесе жіңішке болып, оған жалғанатын қосымша да соңғы буынының жуан-жіңішкелігіне
қарай үндесіп жазылады. Қазақ тіліндегі осы ерекшелікті А.Байтұрсынұлы өзі құрастырған
әліпбиде шебер қолдана білді.
