- компьютерлік техниканың дидактикалық мүмкіндігін ескеру. Бұл талапты орындамай оқу процесін тиімді компьютерлендіру мүмкін емес; -

Біздің зерттеуіміз бұл жұмыстарда келтірілген білім мазмұнын анықтау принциптерін төмендегідей шарттармен толықтырудың қажет екендігін анықтады.

1. 
   Білім мазмұнын анықтағанда оқу материалдарында қолданбалы мазмұндағы материалдардың, тапсырмалардың міндетті түрде болуы тиісті. Біздің тәжірибемізде оқушылардың мұндай тапсырмаларды орындауы-оқушылардың қызығушылығын туғызды, алған теориялық білімді практикада қолдана білу дағдысын қалыптастыратынын көрсетті.
   

Оқыту мақсаты ендігі оқыту әдістерінің оқушының өз бетімен белсенді ізденіп қызмет жасау әдістері және тәсілдерімен толығуын қажет етеді (кесте 2).

Оқыту әдістерінің көп түрлі сипаты бар. Оларды бір не жалпы ортақ белгілеріне қарай топтап жүйелеуге болады. Қазіргі кезде оқыту әдістерінің ондаған түрі белгілі. Дәстүрлі оқыту түрінде білім көзінің ортақ белгісі ретінде практика, көрнектілік, сөз есептелінді. Ал біздің технология бойынша танымдық іс-әрекет түрі - бұл оқушы өзіне ұсынылған үлгі бойынша жұмыс істеу арқылы жететін өз бетімен танымдық іс-әрекет деңгейі.

Оқытудың педагогикалық технологиясы талап етіп отырған мақсатты деңгейлер тізбегі (иерархиялық) құру, яғни оны диагностикалық түрде анықтау, оқыту әдістемесін жетілдіруді қажет етеді. Ол үшін біз Ю.К.Бабанский [27] анықтаған оның негізгі үш аспектісін (перцептивтік, гностикалық және логикалық) ескере отырып, оқыту әдістемесінің төмендегідей үш өлшемді (үш деңгейлі) жүйесін құрудың қажеттілігін анықтадық (кесте 3).

2-кесте. Білім берудегі әдістер.

Дәстүрлі оқыту жағдайында	Педагогикалық технология жағдайында
1. Оқу материалы (мазмұны) дайын информация түрінде берілгендіктен: мұғалім көбіне түсіндіру, баяндау әдістерін пайдалануы; оқытудың белсенді тәсілдерін қолдану қажеттілігі азаяды. Барлық оқушының нәтижеге жетуіне кепілдік берілмеуі. Ақпараттарды беру қарқыны орташа оқушыларға арналған. 4. Оқушының нәтижеге жетуін бақылау оқыту процесімен ішінара байланысқан. Ол оқыту процесінің құрамына кірмейді.	Оқушылар білімді теориялық және практикалық тапсырмаларды өз бетімен игеру кезінде алады. Өз бетімен жұмыс істей отырып оқушы қиындықты жеңеді, оның белсенділігі және өз бетімен жұмыстануы жоғарғы деңгейге жетеді. қпаратты беру қарқыны оқушыға немесе оқушылар тобына байланысты. Оқушының жоғарғы белсенділікке ынталандырудың дамуын қалыптастырады да, нәтижені формальді тексеру жоғалады.
Оқушыларға репродуктивті ойлау мен репродуктивті ойлау әдісі ұсынылады.	Оқыту нәтижесі салыстырмалы жоғары және берік. Оқушылар алған білімді өзгертілген жағдайда қолдана алады және сонымен бірге іскерлігі, шығармашылық қабілеті дамиды.

Оқытудың педагогикалық технологиясын пайдаланғанда оқытудың әдістемесін таңдау - сабақтың мақсаты мен міндеттеріне, сәйкесті педагогикалық жағдаятқа, оқушының нақты оқу мүмкіндіктеріне байланысты.

Білім алудың басты мақсаты - жеке бастың өздігінен дамуын қалыптастыру болғандықтан, оқушы өздігінен танымдық іс-әрекеттерінің әдістері мен тәсілдерін меңгеру керек. Жоғарыдағы айтылғандарды қорыта келе біз дамыта оқыту әдісін жетілдірудің бағытталған мынандай қосымша шарттарды анықтадық:

3 - кесте. Оқыту әдістемесінің үш деңгейлі жүйесі.