Тәжірибе барысы: Бұл да химиялық реакция энергиясының жарыққа толық айналуының нәтижесі. Оны бақылау үшін гидрохинонның қаныққан сулы ерітіндісіне 10-15%-дық калий карбонаты ерітіндісін, формалин және пергидроль қосады. Сұйықтықтың жарқырауын қараңғыда бақылаған жақсы. Жарқырау гидрохинонның хинонға, ал формальдегидтің құмырсқа қышқылына айналуының тотығу-тотықсыздану реакцияларының нәтижесінде пайда болады. Бір мезгілде көмірқышқыл газының бөлінуімен құмырсқа қышқылының калий карбонатымен бейтараптану реакциясы жүреді және ерітінді көбіктенеді.
Тәжірибе барысы: Ампициллин таблеткасын алып, оны майдалаңыз. Алынған ұнтақты сынауыққа салып, үстіне 5мл дистельденген су құйып тығынмен жабыңыз. Алынған қоспаны 1-2минут бойы шайқаңыз, сосын сүзіңіз.
С ынауыққа алынған ампициллин ерітіндісінің 1мл құйыңыз және оған сонша мөлшерде 5-10%-дық натрий гидроксидінің ерітіндісін қосыңыз. Алынған қоспаға 2-3 тамшы 10%-дық мыс сульфатының ерітіндісін қосыңыз. Сынауықты шайқаңыз. Нәтижесінде биурет реакциясына тән күлгін түс пайда болады. Біртіндеп оның түсі күңгірт (бурый) түске өзгереді.
