Химиялық реакциялардың жүру заңдылықтары Химиялық реакцияның жылдамдығының әрекеттесуші заттардың табиғатына тәуелділігі.
Екі пробиркаға немесе сиаканға біраз мырыш түйірін салыңдар. Біреуіне тұз қышқылын,екіншісіне сірке қышқылын құйыңдар. Реакция жақсы көріну үшін екі пробиркаға да калий перманганатын қосыңдар. Қай пробиркада реакция тез жүргенін бақылаңдар.
2.Химиялық реакцияның жылдамдығының әрекеттесуші заттардың жанасу бетінің ауданына тәуелділігі.
Екі пробиркаға тұз қышқылын құйып алып, үстіне калий перманганатынан қосыңдар. Біреуіне мырыш түйірін, екіншісіне мырыш ұнтағын салыңдар.
3.Химиялық реакцияның жылдамдығының әрекеттесуші заттардың концентрациясына тәуелділігі.
Бір пробиркаға 1:5 сұйытылған күкірт қышқылын, екіншісіне 1:10 сұйытылған күкірт қышқылын құйыңдар. Екі пробиркаға да мыс оксидін салыңдар.
4. Химиялық реакцияның жылдамдығының температураға тәуелділігі
Екі пробиркаға да 1:5 сұйытылған күкірт қышқылын құйыңдар. Екеуіне де мыс оксидін салыңдар. Біреуін бөлме температурасында қойып, екіншісін қыздырыңдар.
