| Асыл мәстек
Ойынға қатысушы жастар жиылып келіп асыл мәстек құрады. Ол үшін төрт – бес өадамдай қашықтықтан екі мықты қада қағады. Кейде бұған өсіп тұрған екі ағашты да пайдалануға болады. Жерден 70 см биіктікке екі қадамның арасына байлайды да, оның үстіне ескі көрпеше (шапан, тон) салады. Ойын жүргізуші балаларды, ойынға тақпақ айтып шақырады:
Әй, ер екеніңді білейін,
Ешкі сойып берейін
Тақия алсаң еңкейіп,
Құламасаң теңкейіп
Ерлігіңе сенейік!
Өзінің ептілігін сынағысы келген ойыншы:
Асау мәстек бұл болса,
Үйретейін көріңіз
Маған таяқ біріңіз! -
Деп ортаға шығады. Ойын жүргізущі таяқты беріп тұрып санай бастайды.
Міне, саған таяқ
Үшке дейін санақ,
Бір......
Екі......
Үш......
...... Ойынға шыққан бала санақ біткенше, таяқтың көмегімен арқанның үстіне атша мініп алуға тиіс те, жерден еңкейіп тақия алады. Жеңіп шықса ойын жүргізуші айыпты болады да, жығылса өзі айып тартады.
Айып өлең айту, ән салу немесе қораз болып шақыру, түйедей боздау, ешкі сияқты маңырау түрінде болады.
Достарыңызбен бөлісу: |
