| Кім жылдам
Ежелгі ойындардың бірі – “кім жылдам„. Ойын аулада, спорт залда, сынып бөлмелерінде ойнала береді. Ойыншылар ойынға екі – екіден қатысады. Ортаға шыққан 2 оқушы бір –біріне арқасын беріп, екі жаққа қарап тұрады. Аяқтарының арасына ұзыннан – ұзақ белбеу тастайды да “бір„ , “екі„ , “үш„ деп ойнайды. “Үш„ дегенде кім еңкейіп белбеуді бұрын алса, соның жеңгені. Бұл адамның өз денесін еркін меңгеріп тез қимылдауының нәтижесінде жүзеге асады. Ойынға басқа ойыншылар қатысады, ойын жалғаса береді.
Ақ серек, көк серек
Мақсаты: жүгіру қимыл әрекеттерін дамыту, ұйымшылдыққа тәрбиелеу.
Ойын ашық алаңда өткізіледі. Ойынға қатысушылар екі топқа бөлінеді. Аралығы 30 – 40 метр. Жерде бір – біріне қарама – қарсы орналасады. Қаз – қатар қол ұстасып, тізіліп тұрады. Жеребе бойынша ойынды бастаған топтың балалары әндете өлең айтады:
Ақ серекте, көк серек,
Бізден сізге кім керек?
Екінші топтағылар бірінші ойыншының атын айтады, сол кезде аты аталған бала өз тобынан шығып екпіндей жүгіріп келеді де қарсы топтың тізбегін үзіп кетуге тырысады. Үзе алмаса, өзі сол топта қалады. Келесі кезекте екі топ әлгі әдіспен бастайды. Осылайша ойын жалғаса береді. Қай топ өз ойыншыларынан көп айрылып қалса, жеңілген болып есіптеледі.
Достарыңызбен бөлісу: |
