Игілігіміз үшін болатын азаптар Құдай неге қиындыққа жол береді?

Тәкаппарлық пен қорқыныш – біздің Құдайға қарсы бүлік көтеруіміздің негізгі екі себебі.

Өзіңізге: «Мен неге Құдайдың еркіне қарсыласам? Неге өмірімде Құдайға ұнамды емес нәрсені қалдырып, оны өзгертуге тырыспаймын?» – деген сұрақ қойыңыз.

Неден қорқасыз? Өз өміріңізде тәкаппарлықтың көмегімен нені алып қалғыңыз келеді?

Тәкаппарлық пен қорқыныш сіздің жүрегіңізде неғұрлым көп болса, Құдайға деген қарсылығыңыз соғұрлым күштірек болады.
Ерік-жігер күші
Тәкаппарлық көбінесе күшті тұлғада байқалады. Олардың ерік-жігерлері мықты. Олар сынды естуге ғана емес, тіпті қоғамның өздерінен теріс айналуын да көтеруге қабілетті. Олар маңайындағылардың сүйіспеншілігінсіз де өмір сүре алады. Мұндай адамдар кедергі мен дағдарысқа қарамастан, алдыға шығады. Оларда ештеңеге қарамай Құдайға қарсыласуды жалғастыру үшін мақсатшылдық, табандылық және өзіне деген сенімділік жетеді.
Ақыл-cана күші
Басқа бүлікшілдер әдеттен тыс ақылды. Олар өте зерек және мақсатқа қалай тезірек жету керектігін әрқашан біледі. Олар Құдайдың күйрету үрдісімен бірге қайта түзеуге түспеудің жолын да жақсы түсінеді. Құдай оларға неғұрлым күштірек қысым жасаған сайын, олар өздерінің «қосымша нұсқаларын» соғұрлым тиянақты құрады. Құдай не істесе де, олар тіпті таудағы ирек-ирек бұралаң жолға ұқсаса да, өз жолдарымен жүруді жалғастырады. Бірақ ақыр соңында біздің әрқайсымыз өз өмірімізді басқарған ақылдық, сезімдік және рухани қабілетіміздің шегіне жетеміз. Кейбіреулер үшін бұл сәт өлер шаққа келеді. Ал кез келген жағдайда өлімнен ешкім қашып құтыла алмайды.

Құдай біздің өз тәкаппарлығымыз бен қорқынышымызды сезіну үшін Өзіне: «Мен бәрін өзім реттей алмаймын. Менің нағыз қуаныш, үміт және қанағат сезімінің жолындағы барлық кедергілерді жоюға шамам жоқ. Құдайым, Сен маған керексің. Саған толықтай сенем және Сен маған шынымен бағалы және маңыздының бәрін беретініңді білемін», – деп келгенімізді қалайды.