Практикалық жұмыстар бөлімінде оқушылар теориялық алған білімдерін практикалық тұрғыдан қарастырып, компьютерде жұмыс жасау дағдысын қалыптастырады. Оқушылардың қабылдауына оңай болуы үшін теориялық материалды практикалық жұмыс арқылы түсіндіру әдісі қолданылған. Оқулықты оқушылар мұғалімнің көмегінсіз өздері оқып, түсінеді. Тапсырмаларды өз бетінше орындау ыңғайлы болуы үшін практикалық бөлім екі кезеңге бөлінеді. Бірінші кезеңде практикалық жұмыс толық түсіндіріледі, ал екінші кезеңде оқушылар алдыңғы кезеңде алған практикалық білімдерді қолдана отырып, өз бетінше орындауына тиімді болатындай жасалған.
Практикалық жұмыс жасау барысында оқушылар төмендегі тапсырмаларды орындайды: 1) алгоритмдеу; 2) модельдеу; 3) жобалау; 4) зерттеу.
Оқу жетістіктерін бағалау тәсілдері
Оқулықта оқу жетістіктерін бағалау мақсатында І және ІІ тоқсандардың қорытындысына арналған тест жұмыстары, ІІ, ІІІ, IV тоқсандағы оқу материалдарын практикалық тұрғыдан меңгеруге арналған тапсырмалар берілген. Практикалық жұмыстарды орындау барысында берілген тапсырмаларды бағалау дескрипторлары көрсетілген. Мұғалім бұл тапсырмаларды қорытынды бақылауларға пайдалануға немесе осы тапсырманы үлгі ретінде алып, өз тапсырмаларын дайындап, дескрипторларын жасап, оларды ұсынуларыңа болады.
Оқулықта және мұғалімдерге арналған әдістемелік нұсқауда қолданылатын негізгі шартты белгілер
Негізгі орта білім беру деңгейінің 7-сыныбына арналған
«Информатика» пәнінен жаңартылған мазмұн бойынша үлгілік оқу программасын іске асыру жөніндегі ұзақмерзімді жоспар (ҰБА тарапынан ұсынылған )
Достарыңызбен бөлісу: |
