| 4. Топырақтың төменгі қабаты арқылы суару. Топырақтың төменгі қабаты арқылы суару тәсілі топырақ құрамындағы заттардың капилляр түтіктер арқылы астыңғы бөліктен жоғарыға шығу қабілетіне негізделген. Топырақтың 40-60 см тереңдіктегі қабатына жіберілген су үстіңгі қабаттың капилляр түтікшелеріне дейін ылғалдандырады.
Топырақтың төменгі қабаты арқылы суару кезінде су жеткізу үшін әртүрлі қондырғылар пайдаланылады: арнайы машиналармен әр 1-1,5 метр-ден кейін 40-50 см тереңдікте жасалатын ұзындығы 100 м міндетпелер (кротовиналар), 40-45 см тереңдікте тасталатын ұсақ саңылаулы құбырлар, су өтпейтін күйдірілген саздан, полиэтиленнен жасалған құбырларды (40-50 см тереңдікте әр 1,5-2 м сайын) ұштастыра жалғау, 50-60 см тереңдікте шлак, қиыршық тас, ұсақ тас толтырылған (су жүретін ұсақ саңылаулы) жіңішке траншеялар қазу.
Достарыңызбен бөлісу: |
