| Суару тәсілдері:
а) топырақтың жоғарғы қабаты арқылы беткейлеп суару;
ә) жаңбырлатып суару;
б) топырақтың төменгі қабаты арқылы суару;
в) тамшылатып суару.
Осы суару тәсілдеріне сипаттама берейік:
Беткейлеп суару. Бұл тәсіл үш түрге бөлінеді:
а) Тақталап суару – бұл тәсіл бойынша суды арнайы дайындалған, ені 3,6-20 м, тақталарға жайып суарады. Осы тәсілмен бидай, шөп және басқа тар қатарлап егілетін дақылдар суарылады.
ә) Қарық арқылы суару – бұл тәсілде суды 0,60-1,20 м жүйектер аралығында болатын қарықтар (борозды) арқылы тарату. Бұл тәсілмен жүгері, мақта, қант қызылшасы және т.б. кең қатарлап егілетін дақылдар суарылады.
Қарық арқылы тұтас немесе тар қатарлап егілетін дақылдарды да (бидай, жоңышқа т.б.) суаруға болады. Ол үшін алдымен аралары 0,8-0,9 м болатын қарықтар тартылады. Артынша тұқым себіледі. Мұндай қарықтар себілетін қарықтар деп аталады. Үнемді болу үшін сеялканың алдыңғы бел ағашына қарық тартқыштарды орнатуға болады. Тұқым себу кезінде бұл қарықтар аздап тегістеліп қалады, сонда да қарықтар ізі сақталады. Бірінші су берілгенде, су ескі қарық ізін табады да, сол арқылы еңістікпен біркелкі сіңеді. Кейбір жағдайда осындай қарықтарды тұқым себу аяқталғаннан кейін де тарта беруге болады. Бұл қарықтар себілетін қарықтар деп аталады.
б) Шектеп (атыздап немесе палдап) суару – бұл тәсілмен негізінен күріш дақылы суарылады.
Достарыңызбен бөлісу: |
