3. Жаңа суару тәсілдері. Серпінді суару бау-бақшаға қолданылады. Су тиісті аппаратпен («Роса-3») белгілі бір мезгілде атқылап ағып тұрады. Әр ағыс секундына 25-27 литр су шашады да, саптама 10 градусқа бұрылады. Бұл аппараттарға суды су сорғыш арқылы жоғары қысыммен береді. Суарылатын дақылдар мен топырақ құрамына байланысты серпінді аппарат-тарының конструкциялары әртүрлі болып келеді.
Инъекциялық суару тәсілі. Бұл жүйе бойынша арнайы дайындалған су (ішінде тыңайтқышы, микроэлементтері бар) өсімдік тамырының биология-лық ынталы нүктесіне ине арқылы беріледі. Өсімдік өзіне қажетті суды ғана пайдаланады, ал топырақ беті әрдайым құрғақ күйде қалады. Соның салдары-нан топырақтың ауа режімі сақталып, арамшөптердің дамуына жол берілмейді.
