5. МАГИСТРАНТТЫҢ КҮНДЕЛІК ЖҮРГІЗУІ
Магистрант тәжірибе басталу алдында "Физика-математика және информатика" кафедрасынан тәжірибе жетекшісінен күнделік алу қажет. Әр бір магистрант бірінші күннен бастап күні бойы жасалған жұмысын жазу арқылы күнделік жүргізеді. Күнделіктен қай күні, қай жерде жұмыс жасалғаны көрініп тұру керек. Күнделікте жұмыс неден тұрғандығы, ол өз бетінше жасалды ма, мүмкіндігінше қандай көлемде орындалғандығы көрсетілу керек. Күнделік ұқыпты сиямен толтырылады. Күнделіктегі жазба апта сайын кәсіпорыннан тәжірибе жетекшісінің қолымен расталады. Жұмыс орнында жұмыс аяқталған кезде кәсіпорыннан тәжірибе жетекшісі магистранттың тәжірибелік дағдыны қаншалықты меңгергенін тексереді, күнделікке баға қояды және магистранттың жұмысы жайлы ескертулер енгізеді. Күнделікте кәсіпорыннан жетекшінің қолы және мөр қойылады.
Күнделікте магистрантқа мінездеме бар, бұл мінездеме кәсіпорыннан жетекшісімен толтырылады, онда магистранттың кәсіптік және жеке сапалары көрсетіледі, қол мен мөр қойылады. Мінездемені машинамен басылған мәтінмен терілген, кәсіпорын жетекшісінің қолы мен мөрі расталған жеке бет қағазына рәсімдеуге рұқсат. Күнделік тәжірибе өту бойынша есептемеге тіркеледі. Кафедра есептемені күнделіксіз қабылдамайды.
Достарыңызбен бөлісу: |
