«Өз мамандығын шексіз сүйетін, терең теориялық біліммен қаруланған, бала жанын ұға білетін қасиетті мен педагог бойындағы ең басты қасиет деп санаймын. Егер де маған қайта мамандық таңдау кезегі бұйырса, мен ойланбастан осы мамандықты таңдар едім. Себебі мен ұлан-байтақ қазақ даласының бір шеткері ауылында тұрып-ақ, қазақ тілін үйрету арқылы ұлтымның ұлы тұлғалары мен тарихы, салт-дәстүрі мен әдет-ғұрпын бар болмыс-бояуымен өзге ұлт өкілдерінің санасына сіңіртіп, мемлекеттік тілдің мерейін асырып жүрген тіл жанашырының бірімін. Педагогикалық қызметімдегі табыстылықты мен оқушыларға сапалы білім беруге бағытталған нәтижелі еңбегім мен менің көшіме ілесіп отырған дарынды және талантты, еңбекқор шәкірттерім деп санаймын».
