Қысқаша түйіндеме
жүктеу/скачать 4,06 Mb.
|
_______________________________________________________________________________________________
Үш тілде оқыту: НЗМ тәжірибесіХалықаралық сарапшылармен бірлесіп, НЗМ үштілдік білім беру моделі әзірленді. Ол үш тілді меңгерген, осы тілдерде пәндік салаларды білетін, қызметтің әртүрлі салалары бойынша диалогты табысты жүргізе алатын және өз және басқа халықтың мәдениетін сыйлайтын түлектің тұлғасын қалыптастыруға бағытталды. Модель еуропалық модельдің37 мысалымен тілдерді меңгерудің 6-деңгейлік жүйесіне негізделеді және оқушының тілдік ортаға кезең-кезеңмен енуін көздейді. Оқудың барлық мерзімі ішінде (1 сыныптан 12 сыныпқа дейін) қазақ тілі мен әдебиетін, орыс тілі мен әдебиетін, ағылшын тілін жеке пән ретінде оқу қаралған. Бастауыш мектепте оқу жоспарының жалпы білім беретін пәндері оқушының туған тілінде оқытылады. Бұл пәндерді табысты меңгеру ары қарай оқудағы маңызы зор. Зияткерлік мектептерде үш тілде оқыту коммуникативтік тәсілге негізделген. Бұл - сөйлеу қызметінің төрт дағдысын: тыңдау, сөйлеу, оқу және жазуды дамыту. Екінші және үшінші тілді оқыту бағдарламалары CEFR ережелерімен сәйкестендірілді (5 сыныпты аяқтағаннан кейін қазақ және орыс тілдерін меңгеру А2–В1 деңгейіне жетеді деп болжамдалады). Оқушыға гуманитарлық пәндерді осы тілдерде оқу арқылы бірінші және екінші тілдердің білімін ары қарай жетілдіруге бұл деңгей жеткілікті. «Әлемтану», «Қазақстан тарихы», «География», «Құқық негіздері», «Қазіргі заманғы Қазақстан» сияқты тілдік емес пәндер қазақ тілінде оқытылады. «Дүниежүзілік тарих» және «Информатика» пәндері орыс тілінде оқытылады. Жоғарғы мектепте «Физика», «Химия», «Биология», «Информатика», «Экономика», және «Жаһандық перспективалар және жобалық жұмыс» ағылшын тілінде жүргізіледі. Бағалау оқыту тілінде жүзеге асырылады. Осылайша, НЗМ жоғарғы сыныптарда жұмыс тілі туған тілімен қатар ағылшын тілі де болады. Бұл оқушыларға 12 сыныпты аяқтағаннан кейін ағылшын тілін В2-С1 деңгейінде меңгеріп алуға мүмкіндік береді. Бұл қосымша тілдік дайындықсыз халықаралық және отандық жоғары оқу орындарына түсу үшін жеткілікті. Әлеуметтік сауалнаманың нәтижесі38 Қазақстан оқушылары ата-аналарының көп бөлігі (81%) оның баласының ағылшын тілді білгенін қалайтынын куәландырады. Бұл ретте, ата-аналардың үштен бір бөлігі (27%) балаға ақылы қосымша сабаққа баруын қамтамасыз ету мүмкіндігі болмағандықтан, мектеп олардың балалары үшін ағылшын тілін оқудың жалғыз жолы деп айтады. жүктеу/скачать 4,06 Mb. Достарыңызбен бөлісу:
|