Бауырпальпациясы Өт қабының пальпациясы Өт қабына пальпация жасағанда, науқастың қалпы бауырға жасағандағыдай болады. Өт қабының проекциясы алдыңғы құрсақ қабырғасында, іштің оң жақ тік бұлшық еті мен оң жақ қабырға доғасымен байланысқан тұсына сәйкес келеді. Өт қабына пальпация бас бармақ арқылы жасалады. Дем шығару кезінде саусақты қабырға доғасына терең енгізу керек. Осы кезде өт қабы пальпация жасайтын саусаққа жанасады. Бас бармақпен пальпация жасау әдісін Гленар ұсынды.
Кейде бауырға терең жылжымалы пальпация жасағанда алмұрт тәрізді үлкейген, консистенциясы эластикалық өт қабын анықтауға болады. Бұндай жағдай ұйқы безі басының рак ауруында (Курвуазье симптомы), өт қабы таспен бітелгенде, өт қабының гипотоникалық дискинезиясында байқалады.
