СТАНДАРТ
Топографиялық перкуссия жасау техникасын үйрету
Топографиялық перкуссияның мақсаты – әртүрлі мүшенің шегін, мөлшерін және конфигурациясын анықтау.
Топографиялық перкуссияның ережелері:
1. перкуссияны анық дыбыстан жай дыбысқа қарай жүргізу керек;
2. плессиметр – саусақты анықтайтын шекараға параллель қою керек;
3. шекараны плессиметрдің айқын дыбысқа қараған жағынан белгілеу керек.
СТАНДАРТ
Салыстырмалы перкуссия жасау техникасын үйрену
Салыстырмалы перкуссияның мақсаты – өкпеде, плеврада және құрсақ қуысында патологиялық өзгерістерді табу.
Салыстырмалы перкуссияның ережелері:
1. перкуссияны симметриялық нүктелерде жүргізу керек;
2. перкуссиялық қағудың күші екі жақтан да бірдей болу керек.
Салыстырмалы перкуссия:а) кеуденің алды; б) кеуденің арты.
СТАНДАРТ
Өкпеге салыстырмалы перкуссияны жүргізу техникасы
1. Өкпенің ұштарын салыстырыңыз. Ол үшін плессиметр саусақты бұғанадан жоғары және оған параллель орналастырып, перкуссиялаңыз. Екі жақтағы дыбысты салыстырыңыз.
2. Қабырға арасы кеңістікке орналасқан саусақ-плессиметрді қаға отырып, өкпенің алдыңғы жағының дыбысын салыстырыңыз. Перкуссияны жүрек ойығына дейін ғана жүргізіңіз.
3. Өкпенің арқа бетін перкуссиялаңыз.
4. Перкуссияны жауырыннан жоғары бастаңыз.
5. Плессиметр саусақты жауырыннан жоғары және қабырғаларға паралель орналастырыңыз.
6. Жауырынаралық кеңістіктің дыбысын салыстырғанда плессиметрді омыртқаға параллель (қабырғаларға перпендикуляр) орналастырып, екі жақтың дыбысын салыстырыңыз.
7. Жауырыннан төменгі жерде салыстырмалы перкуссияны плессиметр саусақтың горизонталь күйінде (қабырға параллель) жүргізіңіз.
8. Қалыпты жағдайда екі жақта дыбыс бірдей болу керек.
ЕСКЕРТУ: Перкуссияны жүргізгенде тыныштықты сақтау керек.
Достарыңызбен бөлісу: |
