Іс-әрекет алгоритмі: Зерттеу алдында науқасқа жүргізілетін іс-шараның мақсатын түсіндіріңіз.
Науқасқа 3 күн бұрын құрамында темірі бар тағамды жемеу керектігін айтыңыз: ет, балық, жасыл көкөністердің барлық түрі; нәжістің түрін өзгертетін және ішектің перистальтикасын күшейтетін дәрілік препараттар қолданылмайды. Зерттеуге нәжіс 4-ші күні алынады.
Науқасқа нәжісті зерттеу жүргізілетін күні таңертең алу керектігін түсіндіріңіз.
Науқасқа нәжісті жинау техникасын үйретіңіз:
науқас нәжіс жинау кезінде қолғап киюі керек;
судноға ішекті босатқаннан кейін науқас қалақшамен нәжістің әр жерінен 5-10г көлемінде алып, әзірленген ыдысқа салып қақпағын жабады.
Науқас қолғапты шешіп, қолын жуып кептіруі керек.
Нәжісі бар ыдысты жолдамамен бірге клиникалық зерханаға жеткізіңіз.
Ескерту!
нәжісті зерттеуге тазалау клизмасынан кейін, балауыз қолданғаннан кейін немесе іш өткізетін препараттардан кейін алуға болмайды.
