11. Пәннің оқытылуы бойынша әдістемелік ұсыныстар: Қоғамды өркендетудің міндеттерін ойдағыдай шешудің шарттарының бірі жастарды заманға сай тәрбиелеу. Сондықтан адамның дамуы мен қалыптасуындағы тәрбиенің шешуші ролін ашып көрсету тиімді болады. Адам, жеке адам, тұлға ұғымдарына түсінік беріледі. Баланың дамуына, қалыптасуына ықпал ететін негізгі факторлар (тұқым қуалаушылық, әлеуметтік орта, тәрбие) туралы мағлұмат беру өте маңызды. Жеке адамның дамуы үнемі жетіліп отыратын заңды процесс болғандықтан, оның әрбір саласы белгілі бір жағдайларға, іс-әрекетке, айнала қоршаған өмірге, адамдармен қарым-қатынасқа тікелей байланысты болатыны мазмұдалады. Оқу материалдарын негізгі түсініктердің мазмұнын игерумен және құбылыстардан, процестерден нақты мысалдар келтіру арқылы бекіту керек.
