Жалпы білім беру ұйымдарындағы тәрбие жұмысының ерекшеліктері
Дене тәрбиесі, салауатты өмір салты
жүктеу/скачать 3,55 Mb.
|
- Бұл бет үшін навигация:
- Назар аударыңыз!
| Дене тәрбиесі, салауатты өмір салты, тәрбие жұмысының сегізінші бағыты ретінде салауатты өмір салты дағдыларын табысты қалыптастыру, дене және психологиялық денсаулықты сақтау, денсаулыққа зиян келтіретін факторларды анықтай білу үшін кеңістік құрады. Жалпы білім беру ұйымдарында бұқаралық спорт түрлерінде (футбол, волейбол, баскетбол, гандбол, футзал, ұлттық спорт түрлері: асық ату, тоғыз құмалақ, қазақ күресі) мектеп спорт лигаларының желісін кеңейту және спорт түрлері бойынша арнайы мамандандырылған сыныптар және спорттық секциялар ашу маңызды.
2019-2020 жаңа оқу жылында республиканың 1000 мектебінде дене шынықтырудың әрбір үшінші сағатында «Футбол сағаты» пилоттық жобасы жалғасады. Пилоттық жобаға қатысушы мектептердің тізімі Министрлікпен бекітілген (ҚР БҒМ 2017 жылғы 11 тамыздағы № 405, 2017 жылғы 30 қазандағы № 550, 2018 жылғы 15 тамыздағы № 401 бұйрықтар). Облыстық, Нұр-Сұлтан, Алматы, Шымкент қалаларының білім басқармаларына аймақтағы пилоттық жобаның бақылауын және мониторингін қамтамасыз ету, мектептік спорттық лига жұмысын жетілдіру қажет. 2020 жылға арналған күнтізбелік негізгі спорттық іс-шаралар жоспарына сәйкес білім алушылар 9-дан астам спорт түрлері бойынша ҚР колледждерінің студенттері мен оқушыларының Қысқы ойындарына қатысуы тиіс. Ойын түрлері шаңғы тебу, қысқы президенттік көпсайыс, коньки тебу, шорт-трек, қысқы спорттық бағдарлау, хоккей, бенди (допты хоккей), мәнерлеп сырғанау, футзал. Республикалық көпсалалы балалар мен жасөспірімдер турнирлеріне және халықаралық жарыстарға (қысқы және жазғы Дүниежүзілік Гимназия) қатысуға білім алушыларды кеңірек тарту қажет. Тәрбие жұмысының ажырамас бөлігі жасөспірімдердің ұрпақ жаңғырту қабілетін сақтау, нашақорлық, алкоголизм, темекі шегу, АИТВ-ның алдын алу, сонымен қатар салауатты өмір салтының негіздері бойынша оқу семинарларын өткізу болып табылады. 2019-2020 оқу жылында «Бір-біріне жақын – есірткіден алыс» профилактикалық бағдарламасы сынып сағаттарында жалғасын табады. Ы. Алтынсарин атындағы ҰБА сайтында әдіскерлер мен мұғалімдерге арналған білім алушылардың репродуктивті денсаулығы және отбасылық тәрбие құндылықтарын оқу процесіне кіріктіру мәселелері, қауіпсіз білім беру ортасын қалыптастыру мәселелері жөніндегі келесі әдістемелік құралдар орналастырылған: «Қауіпсіз білім беру ортасының компоненттерін оқыту және тәрбиелеу процессіне кіріктіру бойынша әдістемелік ұсынымдамалар», «Мектептегі зорлық-зомбылықтың алдын алу және әрекет ету бойынша әдіскерлерге арналған нұсқаулық», қауіпсіз білім беру ортасының келесі компоненттері кіріктірілген бастауыш, негізгі орта буын оқу пәндерінен қысқа мерзімді сабақ жоспарларының үлгілері: «Мектептегі зорлық-зомбылықтың алдын алу», «Табиғи апаттардың қаупін азайту», «Киберқауіпсіздік», «Балалардың жарақат алуының алдын алу», «Экологиялық қауіпсіздік». Директордың тәрбие ісі жөніндегі орынбасарларының, сынып жетекшілерінің, пән мұғалімдері мен әдіскерлердің әдістемелік жинақ қорына Академия келесідей материалдарды ұсынады: 1) «Қазақстандағы балалар мен жасөспірімдер қозғалысы: тәжірибе, бастамалар, әлеуметтендіру» («Жас Ұлан», «Ұлы Дала скауттары», жас патриоттар Академиясы және т.б.) әдістемелік ұсынымдама; 2) «Мектеп оқушысының кітап оқу іс-әрекеті» әдістемелік ұсынымдама; 3) «Өлкетану»: мәдени-генетикалық кодтың негізі (мәдени мекемелердегі өлкетану сабақтары) (5-7 сыныптар) пәнін жүргізу бойынша әдістемелік ұсынымдама; 4) «Ұлттық қазына»: мұражайлардағы «жанды» сабақтар әдістемелік ұсынымдамасы; 5) «Айналаға қара» («Ауыл өмірі», «Қала тіршілігі»): әлеуметтік-тарихи тәжірибе» ұйымдастыру бойынша әдістемелік ұсыныстар; 6) «Жас Ұлан» бірыңғай балалар мен жасөспірімдер ұйымы» Республикалық қоғамдық бірлестігінің қызметін ұйымдастыруға арналған әдістемелік ұсыныстар. Назар аударыңыз! жүктеу/скачать 3,55 Mb. Достарыңызбен бөлісу:
|