Жампеисов Ерлан Турсбекұлы Зырян қаласы, №9 орта мектебі география пәнінің мұғалімі «Атажұрт» интеллектуалдық ойыны

( сабақтан тыс өткізіледі )

2) Қазақстанның табиғаты , жер бедері және халқы туралы білімдерін одан әрі жетілдіру.

3) Оқушыларды Отанын, оның табиғатын, халқын сүйе білуге тәрбиелеу.
Ойынның өтілу барысы:

1.Р. Рымбаеваның «Атамекен» әнін қоюдан басталады.

2. Ойынға қатысатын командаларды таныстыру.

а) Ойынға қатысатын командаларды ортаға шақыру;

ә) Командалардың аты;

б) Командалардың ұраны;

в) Командалардың төс белгісін қорғауы;

3. Ойынның кезеңдерімен таныстыру.

а) «Өткел» капитандар сайысы, сайыс 5балдық жүйемен бағаланады, қойылған сұрақтарға капитандар тез жауап беру керек.

ә) «Белес» (командаға 1 минут ойлануға уақыт беріледі, қосымша көмек алуға болады, егер қосымша көмек алса 1 балдары кемйді, 5 балдық жүйе )

б) «Бекет» ( көрермендермен ойын,қосымша көмек берілмейді, әрбір сұрақ 5 балдық жүйемен бағаланады )

в) «Асу» ( 14 облысқа байланысты сұрақтар болады, қосымша көмек алуға болады, әрбір сұрақ 5 балдық жүйемен бағаланады, ойын соңында екі команданың ұпайлары есептелініп ең көп ұпай жинаған команда келесі ойынға шығады )

г) «Жерұйық» ( қиындатылған сұрақ, қосымша көмек берілмейді, 5 балдық жүйе )

1. Павлодар облысы. Қаныш Имантайұлы Сәтпаев туып өскен аудан қалай аталады?

2. Шығыс Қазақстан облысы. Ш.Уәлиханов Ыстық көлге сапары кезінде Ш.Қ.О бір өзені туралы көптеген қызғылықты деректер жинаған. Бұл қай өзен туралы айтылған?

3. Атырау облысы. Атырау қаласынан 55 км жерде, Жайықтың оң жақ жағасында бір кездегі осы қаланың орны жатыр. Қаланың іргесі 11 ғ. қаланған. Алтын Орда хандары жерленген қасиетті орын. Бұл қай қала?

4. Жамбыл облысы. Қазақстанның орта ғасырлық ірі қалаларының бірі. 2ғ. Қаңлы мемлекетінің тарихымен тығыз байланысты. Бұл қай қала?

5. Қарағанды облысы. Компьютерден «Сарыарқа» күйін ойнату. Оқушыларға анықтату.

6. Ақмола облысы. Есіл өзенінің оң жақ саласында орналасқан елді мекен. Сондай-ақ бұл Қазақстанның ең суық нүктесі болып саналады.(-57ºс) Бұл қандай елді мекен?

Жауабы: Атбасар

7. Алматы облысы. Компьютерден «Алматым» әнін қосу.

8. Маңғыстау облысы. Биіктігі 200 м жуық биіктік үстіндегі жазық, солтүстік-батысында Каспий маңы ойпатымен, батысында Маңғыстау жазығымен шектеседі, тек осында ғана кездесетін жабайы қой Муфлон мекендейді. Бұл қай жер бедері?

Жауабы: Үстірт

9. Батыс Қазақстан облысы. Орал тауы мен Еділ өзені аралығындағы үлкен қырат қалай аталады?

10. Қостанай облысы. Асбестің ең ірі кен орны қай жерде өндіріледі?

11. Қызылорда облысы. Орта Азияның солтүстік-батысы және Қазақстанның оңтүстік-батысында едәуір жерді алып жатқан ойпат қалай аталады?

12. Ақтөбе облысы. Каспий маңы ойпаты мен Мұғалжар тау аралығында жатқан үстірт. Абсолют биіктігі 100-300 м. Бұл қай үстірт?

13. Оңтүстік Қазақстан облысы. Оңтүстік Қазақстандағы негізгі өзен Сырдарияның басты саласы. Бұл өзен туралы Ш. Қалдаяқовтың әні де бар. Ол қалай аталады?

14. Солтүстік Қазақстан облысы. Орал тауларынан Алтай тауларына дейін созылған ұзынша өңірді қамтиды. Бұл жазықтың жер бедері бірыңғай тегіс. Бұл қай жазық?

( әрбір сұрақ 5 балдық жүйемен бағаланады )