Жаратылыстану-математика факультеті деканы

Негізгі сұрақтар: Турист гигиенасы не үшін қажет?

1.Туристің жеке басы гигиенасы - әртүрлі аурулардың алдын алу, сергектікті және көтеріңкі көңіл күйді сақтайтын маңызды нәрсе. Туристік жорықтарда турист міндетті түрде аяқ тазалығын сақтаған жөн, демалған кезде аяқ терісін қарап, терінің зақымданған жері жері болса йодпен немесе зеленкамен сүрту керек. Ертесіне сол жерді қайтадан өңдеп, лейкопластырь жапсырады. Егер мүмкіндігі болса демалған кезде ботинканы, шұлықты шешіп, аяқтың демалуына жағдай жасайды. Қайта киер алдында арнайы аяқты терлетпейтін сұйықтық, мазь және т.б. дәрі дәрмекті пайдаланған жөн. Күндізгі жорық аяқталғаннан кейін аяқты сабынмен жуып, таза шұлық кию керек. Міндетті түрде аяқ және қол тырнақтарын алып тұру керек, тырнақ астында кірдің жинақталуы әртүрлі ауруларға әкелуі мүмкін. Ірінді ауруларды алдын алу үшін кешкі демалыста денені сабынмен жуып, таза іш киім киіледі. Жорықтан кейін сыртқы киімдердің шаңын қағып, аяқ киімнің бүтіндігін тексеру керек, аяқ киімді от жанындакептіруге тиым салынады, себебі аяқ киімөзінің жұмсақтығын жойып, қатайып кетуі мүмкін. Бет, мойын, құлақ терісін күтуде күнге, аязға, желге қарсы қолданатын кремдерді пайдаланады. Жазда киетін бас киімнің жиегі үлкен болуы керек, себебі күннен мойын, құлақтың күюін сақтайды. Туристік жорықтарда көбінесе шаршағанды басатын өзіндік массаж жасалу керек. Оның мынадай түрлері бар: сипау (поглаживание) қан айналымын реттейді, ысу (растирание), сығу (выжимание), босату (разминание), қағу (потряхивание).