Саусақ немесе тіл сору – патологиялық әдет ретінде,
негізінен, ерте жастағы және мектепке дейінгі жастағы
балаларда кездеседі. Оның пайда болуының басты
себебі – қанағаттандырылмаған сору инстинкті; көбіне-
се балаларды жасанды тамақтандыру қолданылғанда
жиірек кездеседі.
Бала шамамен бір жасқа келгенде саусақ сорудың
себебі мүлдем басқа болады: бұл айрықша жағдайларда
қолданылатын тыныштандырушы құрал. Бала зері-
гіп кетсе немесе ұйқысы келсе, әлде қамықса немесе
тезірек ұйықтау үшін саусағын сорады.
Есейген бала орын алған қандай бір жағдайды еңсере
алмаса немесе дегеніне қол жеткізе алмаса, балалыққа
(сору әрекеті оның басты қуанышы болған кезге) салы-
нып, саусағын соруы мүмкін. Бір жастан кейін саусақ,
тіл, ерін, көрпенің бір ұшын сору көбінесе ағзадағы
атқарымдық жүйелердің жетілу үдерісіндегі іркілістер
айғағы болып табылады.
121
