1. «Түпкiлiктi ажырасудың кiшi түрi» Бұл – ердің талақты ниет етіп, әйелімен ұрыса отырып,
төркініңе кет деген сияқты астарлы сөзбен айтқандағы бірінші
немесе екінші талағы. Сондай-ақ егер әлі әйелімен қосылмаған
болса, анық түрде талақ сөзімен айтса да, талақ түседі. Талақтың
бұл түрінің үкімінде: неке үкімі жойылып, әйелдің идда сақтауы
ғана қалады. Бұдан кейін олар тек қана жаңа некемен қайта
қосылып, отау болуы ғана мүмкiн.
2. «Түпкiлiктi ажырасудың үлкен түрi» Бұл «кесімді талақ» деп те аталады. Бұл – үшінші рет
айтылған талақ. Бұл талақ жарияланған сәтте-ақ дереу некеге
иелік пен қосылуларына деген адалдықты жояды. Бұдан кейін
әйелі күйеуіне халал болып саналмайды. Тек қана егер бұл әйел
басқа бір еркекпен тұрмыс құрып, сосын ол еркек бұл әйелді
талақ етеді. Сонан соң әйелдің иддасы біткесiн ғана, алғашқы ерi
бұл әйелді жаңадан неке қиып, қайта алуына болады.
Осы орайда талақ сөзін көп қолданатын кейбiр еркектердi
сақтандырып өткен жөн. Мұнымен олар Аллаһ тағаланың
шариғаттағы үкімдеріне қайшы келулерімен қоса, өздерін де,
отбасын да қиын жағдайға душар етеді. Бұл оларға
123
бақытсыздықтан, қиындықтан басқа ештеңе әкелмейді. Тіпті
кейде олар ерлі-зайыпты арасында кесімді харамдық орын
алғандықтан, шариғатқа сай емес, заңсыз түрде қосылып та
жатады.
