Бақылау сұрақтары
1. Автомобильмен жүк тасымалдауға қойылатын талаптарды анықтайтын негізгі заңнамалық акттерді атаңыз.
2. Қазақстан Республикасында автомобил көлігінің жұмысын реттеу қалай жүзеге асырылады?
3. Автомобильмен жүк тасымалдауды жүзеге асырудағы қызметтің қандай түрі лицензия алуды қажет етеді?
4. Жүк тасымалдау Ережелері, оның қызметі мен мазмұны.
5. Автомобиль көлігіндегі бастапқы есептік құжаттардың унификацияланған формаларын атаңыз.
№15 Дәріс тақырыбы: Автокөлік құралдарының түрлері және тиімділігі.
Автомобильмен жүк тасымалдауда жылжымалы құрамның қозғалысын ұйымдастырудың маңызы өте зор, өйткені жалпы жүріс ішіндегі жылжымалы құрамның бос жүрісінің үлесінің мөлшері қозғалыс маршрутын дұрыс таңдауға байланысты болады.
Жылжымалы құрамның жұмысын жоспарлау, есепке алу және талдау үшін, автомобильдерді пайдаланудың тиімділігі мен оның жұмысының нәтижесінің тиімділігін бағалауға мүмкіндік беретін, техникалық-пайдалану (техникалық дайындық коэффициенті, линияға шығу коэффициенті, автомобильдің жүрісін пайдалану коэффициенті және тағы басқа да) көрсеткіштерінің жүйесі тағайындалған. Қозғалыс маршруты деп тасымалауды орындау барысында жылжымалы құрамның жылжу желісін айтады. Ол немесе бұл қозғалыс маршрутын таңдау, негізінен, көліктік процесті ұйымдастыру вариантына байланысты анықталады.
Жылжымалы құрамның өнімділігін арттыру методтарын анықтау үшін әрбір пайдалану көрсеткіштерінің автокөлік құралдарының өнімділігіне тигізетін әсерінің сипаты мен дәрежесін білу қажет. Бұл жерде жылжымалы құрамды пайдаланудың тиімділігін сипаттау үшін қолдану мүмкін болған көрсеткіштердің үш топқа бөлінетінін ескерген дұрыс: экстенсивтік; интенсивтік және жалпылама.
|
Достарыңызбен бөлісу: |
