| Үшінші кезеңде әйелді тасымалдауға болмайды
№5 тақырып бойынша дәріс
Жүктілік патологиясы.
Жүктілік кейде өзінің қалыпты физиологиялық бағытынан ауытқып, асқынып ауруға шалдығады, соның бірі гестоз немесе токсикоз. Гестоз немесе токсикоз дегеніміз тек жүктілік кезінде ғана пайда болатын құбылыстар. Жүрек, жүрек-қан тамыр, бүйрек, бауыр, бала жолдасы және зат алмасу жүйелері едәуір өзгерістерге ұшырайды. Бұл асқынулар әйел босанғаннан немесе түсік тастағаннан кейін ғана біртіндеп кете бастайды.
Гестоз екі үлкен топқа бөлінеді: ерте және кеш гестоздар. Ерте гестоздарға: лоқсу, құсу, тоқтаусыз құсу, сілекей ағу, қышыну, жүктілік дерматозы, сары ауру, остеомаляция және бауырдың жіті сарғайып, солуы жатады.
Кеш гестоздарға жүкті әйелдің ісінуі (шемені), нефропатия, преэклампсия және эклампсия жатады.
Жүктіліктің екінші жартысындағы гестоздың жиілігі 7-16% аралығында, шетел авторларының зерттеулері бойынша 23% дейін. Біздің республикамызда да жоғарғы дәрежедегі «қауіп-қатер» тобындағы әйелдерді ерекше есепке алып, бақылау жүргізген күннің өзінде жүкті әйелдер арасында гестоздың жиілігі артуда.
Достарыңызбен бөлісу: |
