Жұмыстың және жұмысшы мамандардың бірыңғай тарифтік-біліктілік анықтамалығы

1 ... 28 29 30 31 32 33 34 35 ... 108

Білуге тиіс: қызмет көрсетілетін жабдықтардың құрылысы; жертөле коммуникациясының сызбасы мен орналасуы; бақылау-өлшеу және реттеу аппаратурасының құрылысы; электролитті, ерітіндіні дайындау және түзету, майды қалпына келтіру бойынша технологиялық нұсқаулық.

Табақ металдың термоберік және электр оқшаулауыш қабатының электролиттерін, электротехникалық болатты майсыздандыру және өңдеуге арналған ерітіндіні дайындау процессін жүргізу кезінде - 4-разряд.

§ 85. СЫР МЕН ЛАКТЫ ЖУЫП КЕТІРУШІ

1-разряд

Жұмыс сипаттамасы. Лак пен сыр қабатын қарапайым бөлшектерден жуып кетіру. Табақ металдың консервациясын жазу. Бөлшектерді аз уақытқа уақытша консервациялау. Бөлшектерді сақтау және тасымалдау.

Білуге тиіс: қолданылатын ерітінділер мен жуғыштардың негізгі қасиеттері; лак пен сыр қабатын қолмен алуға арналған құралдың мақсаты мен қолданылу шарттары; қапталатын және лак пен сыр материалдары және олардың ерітінділер мен жуғыштарға тигізетін әсері.

§ 86. СЫР МЕН ЛАКТЫ ЖУЫП КЕТІРУШІ

2-разряд

Жұмыс сипаттамасы. Лак пен сыр қабатын күрделілігі орташа бөлшектерден жуып тастау. Лак пен сыр қабаттарын кейіннен бөлшектерді өңдей отырып, креолин астаудан жуып кетіру. Лак пен сыр қабаттарын құбырлардан және жүйенің алмалы-салмалы бөлшектерінен жуып кетіру. Ұшақ бөлшектерінен желімді және герметикті жуып кетіру. Жуу астаулары мен жүк көтергіш механизмдерге қызмет көрсету. Болат пен магний балқымасынан жасалған бөлшектерді қорғаныш қабаттарын алғаннан кейін, оларды жөндеу барысында қоршаған ортаның әсерінен сақтандыру. Металл ұнтақ немесе сүйекпен тазалау аппараттарының көмегімен бөлшектер мен тораптарды тазалау.

Білуге тиіс: сүйекпен тазалау аппараттарының жұмыс қағидасы; болат, түсті балқымалар, пластмасса, резина мен ағаштан жасалған бөлшектерден лак пен сыр қабатын жуып кетірудің техникалық шарттары мен нұсқаулығы; коррозияның пайда болу себептері және бөлшектерді коррозиядан қорғау әдістері; креолин және басқа да астауларға қызмет көрсетудің негізгі әдістері мен ережесі; лак пен сыр қабатын кетіру тәсілдері; металл ұнтақтың көмегімен сүйекпен тазалаудың негізгі ережелері.

§ 87. СЫР МЕН ЛАКТЫ ЖУЫП КЕТІРУШІ

3-разряд

Жұмыс сипаттамасы. Лак пен сыр қабатын күрделі бөлшектерден және бөлшектер мен агрегаттардың ішкі бетінен құрамында бензол, этилацетат, толуол, ацетон т.б. уытты материалдары бар әртүрлі жуғыш заттар мен ерітінділердің көмегімен жуып тастау. Күрделі пішінді бөлшектерді металл ұнтақтың және сүйекпен тазалаудың көмегімен тазалау. Орамасында пенопласт толықтырғышы бар тұрмыстық жабдықтардың бөлшектерінен павинолды кетіру. Арнайы жуу машиналары мен құрылғыларында жұмыс істеу, жабдықтарды баптау және оларға қызмет көрсету.

Білуге тиіс: жуу машиналарының құрылысы мен баптау тәсілдері; болат, түсті балқымалар, пластмасса, резина мен ағаштан жасалған бөлшектерден лак пен желімді жуып кетірудің техникалық шарттары мен нұсқаулығы; лак пен сыр және коррозияға қарсы қабаттардың қасиеттері, оларға бөлшектерді жуу мен тазалау үшін пайдаланылатын ерітінділер мен жуғыш заттардың тигізетін әсері; жуу ерітінділерін қайта пайдалану үшін қайта қалпына келтіру әдістері; матадағы дақтарды кетіру әдістері.

§ 88. ӨҢДЕУШІ

2-разряд

Жұмыс сипаттамасы. Өңдеу үшін қолжетімділігі оңай қарапайым бөлшектер мен әртүрлі металдардан жасалған бұйымдарды өңдеу. Бұйымдарды әртүрлі сілтілер мен қышқылдарда өңдеу үшін астауды дайындау. Біліктілігі анағұрлым жоғары өңдеушінің басшылығымен талап етілетін концентрациялы электролит пен ерітінді дайындау. Астаудың температурасын бақылау. Гальваникалық қаптау алдында ірі көлемді металл бөлшектерді электр астауларында өңдеу. Сорттық прокатты өңдеу процессіне қатысу. Баллондарды өңдеуге дайындау (тазалау, мойнының бұрандасын сырлау, сыртқы бетін дайындау). Құбырларды әперу және науаға орналастыру, құбырларды арнайы құралдармен қысу. өңдеуден кейін бөлшектерді шаю, жуу және кептіру. Ескі таңбасын шаю. Бөлшектерді себеттерге (құндақтарға) салу және өңдегеннен кейін оларды себеттен (құндақтан) алу.

Білуге тиіс: өңдеу астауларының жұмыс қағидасы, құрылысы мен қызмет көрсету ережесі; жуу мен өңдеудің мақсаты; дайындамалар мен бұйымдарды электролиттік және химиялық тәсілмен өңдеу және тазалау процессінің негіздері; астаудың температурасы және бұйымдарды өңдеу алдында қыздыру; өңдеу ерітіндісінің құрамы; өңдеу астауларын дайындау ережесі; қышқылдардың қасиеттері және оларды қолдану ережесі; баллондар мен құбырларды өңдеуге дайындау ережесі; қарапайым бөлшектерді өңдеу тәсілдері; бөлшектерді өңдеуден кейін кептіру тәсілдері.

Жұмыс үлгілері

1. Жіңішке бұрандалы бөлшектер - өңдеу.

2. Ыдыс бұйымдары (цилиндр және тегіс) және олардың арматурасы - өңдеу, эмальдау үшін бейтараптандыру.

3. Дәнекерлеу қаптамасы, дәнекерленген тқлкелері мен алынатын гайкалары бар ауа өткізгіштердің тораптары - өңдеу және пассирлеу.

4. Тұтас тартылған оралған корпустар - өңдеу.

5. Егеу - химиялық қалпына келтіру.

6. Цилиндр бастары блоктарының құймалары, картерлер - өңдеу.

7. Дәнекерленген пластиналары бар сыйымдылы,ы ауыспалы конденсаторлардың роторлары мен статорлары - өңдеу.

8. Шар мойынтіректердің шарлары мен айырғыштары - өңдеу.

§ 89. ӨҢДЕУШІ

3-разряд

Жұмыс сипаттамасы. Ішкі бетінің қолжетімділігі қиын бөлшектер мен әртүрлі материалдардан жасалған бұйымдарды және бұрандалы бөлшектерді, жоғары көміртектелген сым мен калибрленген металды белгіленген өлшемдерді сақтай отырып, өңдеу және бейтараптандыру. Мәрмәр тәріздендіріп арнайы өңдеу; күңгірттендіріп, жылтыратып және терең, мөлшерлі өңдеу. Әртүрлі металдар мен балқымалардан жасалған бұйымдар мен бөлшектерді белгіленген мөлшерді сақтай отырып, өңделмейтін жерлерін оқшаулап, терең өңдеу әдісімен өңдеу. Аралықтарының саны көп әртүрлі көлемді және әртүрлі пішінді бөлшектерді өңдеу. Өңдеу тереңдігін микрометрмен және индикатормен өлшеу. Сот түріндегі күрделі контурлы бөлшектерді сатылы өңдеу. Ірі көлемді бөлшектерді екіжақты өңдеу, «на ус» өңдеу. Өңделетін жерлерді трафарет, сызба және жарықпен көшіру әдісі арқылы белгілеу. Өңдеу ерітіндісін жасау. ерітіндінің сынамасын алу және оны талдау жасау үшін лабораторияға жіберу. Құбырлар мен баллондарды өңдеу, майсыздандыру және фосфаттау процестерін белгіленген режимдерге сәйкес жүргізу. Сорттық прокатты өңдеу процессін жүргізу. Орамадағы табақтарды тұрақты жұмыс істейтін өңдеу машиналарының астауларында өңдеу, табақ, жолақ және сорттық прокатты, болаттың сапалы және арнайы маркаларын, орамадағы табақтарды, сондай-ақ табақ металды оны қаптауға дайындау үшін үздіксіз агрегаттарда өңдеу процессіне қатысу. Жолақтың өңдеу астаулары арқылы дұрыс өтуін қамтамасыз ету және өңдеу агрегаттарындағы бу, су және қышқыл ысырмалар мен бүріккіштердің жұмысын реттеу. Өңдеу агрегаттарын жөндеуге қатысу.

Достарыңызбен бөлісу:

1 ... 28 29 30 31 32 33 34 35 ... 108