Жоспар: Басқару, ұйымдастыру, үкім шығару қызметіне қатысты құжаттардың бірі бұйрық. Бұйрықтың толтырылу үлгісі. Б ұ й р ы қ

1. 
   Басқару, ұйымдастыру, үкім шығару қызметіне қатысты құжаттардың бірі бұйрық.
   

2. 
   Бұйрықтың толтырылу үлгісі.
   

Бұл құжаттың жауапкершілігі оған қол қоятын лауазымды адамға жүктеледі. Бұйрық ауызша да жазбаша да беріледі, төменде біз жазбаша берілетін бұйрық түрлерін қаратырамыз. Жұмыс жүргізу ыңғайлы болу үшін мекемеде бұйрықты 2 топқа бөледі:

1. 
   мекеменің негізгі жұмыстарына байланысты;
   
2. 
   жеке құрамға байланысты;
   

Ірі мекемелердің маңызды іс-әрекетіне байланысты бұйрықтар А и форматты қағазда басылады. Бұйрықтың мынадай реквизиттері (деректеме) бар: елтаңба, мекеме немесе кәсіпорынның аты және оның қандай ұйымға қарасты екені, құжат аты, жазылған күні, орны, индекс, тақырып, қол, қол қойған адамның аты-жөні, келісім туралы белгі. Бұйрық мәтіні әдетте 2 бөліктен тұрады:

1. 
   Констатациялық;
   
2. 
   Өкімдік;
   

1. Констатациялық (айқындаушы, анықтаушы, фактіні, көрсетуші бөлігі) бөлікте, бұйрықтың мақсаты, бұйрықты беруге негіз болған факті көрсетіледі. Өкілеттік құжаттың тақырыбы, нөмірі, датасы жазылады.

Алматы қаласы 20 желтоқсан 1999ж.

2000 жылы жұмыс тәртібін қалыптастыру туралы.
Трест объектілерінде ішкі тәртіпті қалыптастыру, жұмысшылар арасында еңбек тәртібін қалыптастыру және бөлімшелер жұмысын реттеу мақсатында.

Егер бұйрықтың берілуіне хсовары тұрған ұйымнан келіп түскен құжат негіз болса, онда ол құжаттың аты, нөмірі, күні осы бөлікте жазылады.

Егер берілетін бұйрық түсіндіруді құжат етпесе констатациялық бөлік жазылмайды.
2. Өкімдік бөлік Б Ұ Й Ы Р А М Ы Н деген сөзден басталады да, бұйрық мазмұны жаңа жолдан басталып, әр пункті араб цифрларымен белгіленеді. Бұйрықты дайындау барысында, оның орындалуына мүдделі мекемелер және құрылымдармен келісіледі. Келіскені туралы белгі бұйрық жобасының 1 данасына қойылады. Келісілген, бланкке басылған бұйрыққа мекеме басшысы қол қояды. Бұйрық қол қойылған күннен бастап күшіне енеді. Бұйрық журналға тіркеліп, оған нөмір қойылады және концелярияда сақталады.

Жеке құрам жөніндегібұйрықтар кадрлар бөлімінде дайындалады. Бұл бұйрықтарда мекеме жұмысшыларының атқыратын қызметіне байланысты қабылданған әкімшілік әрекеттері мен шаралар айқын көрсетіледі.

Бұйрықтың өкімдік бөлігі нақты, қысқа, анық, басы артық түсіндірмелерсіз жазылады. Онда тек не істеу керек, кім істеу керек және қашана істеу керек деген мәселе ғана сөз болады.

Егер бұйрық орныдаушының үнемі атқаруға тиіс мәселесіне байланысты болса, онда атқару мерзімі көрсетілмейді.

Егер бұйрық бірнеше пунктен тұрса, оның барлығының орындалуына бір ғана адам жауапты болса, онда ол соңғы пункте ғана көрсетіледі. Мекеменің ішкі іс қағазына жататын қызметтік құжаттың бұл түрін сипаттай отырып, мынадай бұйрықтарды атап көрсетуге болады:

• 
  жыл бойы үздіксіз атқаратын жұмыстарға байланысты бұйрықтар;
  
• 
  күнделікті мәселелерге байланысты бұйрықтар;
  
• 
  арнайы бұйрықтар;
  
• 
  төтенше жағдайға байланысты бұйрықтар;
  
• 
  басқа да бұйрықтар түрлері;
  

Мысалы, жыл немесе квартал қорытындысы бойынша ақшалай сыйлық тағайындау, еңбегі сіңген қызметкерлерді құттықтау, мадақтау, көтермелеу т.б. Мұндай бұйрықтар 2 дана етіп, басылып, 1 данасы марапалған адамға тапсырылады.

Түрлі жағдайда байланысты бұйрықтардың да түрлі нұсқалары болады.

1. 
   Дүйсенбекова Л. “ Іс – қағаздарды қазақша жүргізу ” А. – 2001.
   
2. 
   Жаппар А. “ Ресми қарым – қатынас және іс – қағаздарын жүргізу ” Ш. – 2001.
   
3. 
   Мұхамедиева Н. , Атабаева М. , Ибраева К. “ Іскерлік қазақ тілі ” А. – 2000.