Ингаляциялық наркозға арналған заттармен тыныс алғанда олар диффузия жолымен қанға түседі. Препараттың абсорбциясы оның тыныс алатын ауадағы концентрациясына, тыныстың көлемң мен жиілігіне, альвеолалардың беті мен өткізгіштігіне, наркозға арналған заттардың қанда еруіне және кіші қан айналымындағы қан ағудың жылдамдығына байланысты. Осының бәрі наркоздың даму жылдамдығын көрсететін препараттың қан мен тіндерде болатын концентрациясының өсуін анықтайды.
Ингаляциялық наркозға арналған заттардың бірталайы ағзада біркелкі тарайды. Кейбір айырмашылықтар мүшелер мен тіндердің қанмен қамтамасыз етілуінің бірдей еместігіне байланысты. Бұл заттар негізінен өзгермеген түрде өкпе арқылы шығады. Элиминация жылдамдығы абсорбциядағы факторлаға байланысты. әсіресе газ тәрізді наркозға арналған заттар жылдам шығады.
