СТЭНДАП: Ар ма, ардақты ағайын! Өнер, әдетте, дарын иесінің абыройын асқақтатып, есімі ел есінде сақталатындай биікке көтереді. Алайда, бүгінгі бағдарламаға арқау болған жанрда, керісінше, автордан бұрын шығармасы күллі әлемге танылады. Ал оны дүниеге келтірген дарын иесі көп жағдайда есімін жасырып, авторлығын мойындамауға тырысады. Бұл қандай жанр дейсіздер ғой? Бұл – STREET ART. Қарапайым тілмен айтқанда, ғимарат қабырғаларына салынған сурет.
АҢДАТПА Графика: STREET АRT - УРБАНИСТІК БАҒЫТТА ДАМЫҒАН ЗАМАНАУИ КЕСКІНДЕМЕ ӨНЕРІ. КТМ: Өнертанушылар қабырғадағы көріністерді жеке көзқарасты халыққа жеткізудің бір түріне балайды. Стрит арттың бірнеше түрі бар. Ең негізгісі – граффити, одан бөлек, трафарет, постер, мүсіндік инсталляция бар. Сарапшылардың айтуынша, бұл үрдіс 1950-1960 жылдары АҚШ-тан бастау алған. Билікке наразылығын жеткізбек болған жастар бос вагондар мен ғимарат қабырғаларына жазу жазып, сурет сала бастайды. Халық арасына кең тараған көше өнері осылай әлемнің түкпір-түкпіріне тарап кетеді.
