Шаттық шеңбері Достарымның барлығын,
Сыйлап, жақсы көремін.
Алақаным арқылы
Жылуымды беремін.
«Жемістер» ойыны
(Сөйлеуді дамыту, қоршаған орта таныстыру)
Мақсаты: сөздік қорын жалпылаушы мағыналы сөздермен байыту. Жемістер мен көкөністерді ажырата білу, атауларын дұрыс айту.
Ойын шарты: балалар себеттерге жерде жатқан жемістер мен көкөністердің ішінен тек жемістерді ғана тереді. Терген жемістерін атап береді.
Шаттық шеңбері Достар, бері келіңдер!
Қолдарынды беріңдер.
Шаттық толы шеңберге,
Қуанышпен еніңдер!
«Оң-сол» ойыны (Математика негіздері, сөйлеуді дамыту)
Мақсаты:өзінің дене мүшелерін оң-сол қол аяқ бағыттарын анықтап, ажыратуға үйрету, қол аяқ қимылдарының үйлесімділігін, сөйлеу ырғағын дамыту .
Оң қолымда бес саусақ (оң қолының саусақтарын көрсету)
Сол қолымда бес саусақ (сол қолдың саусақтарын көрсету)
Екі қолды қосамыз (екі қолды қосу)
Шапалақтап соғамыз (шапалақ соғу)
Оң аяқпен секіремін (оң аяғымен секіру)
Сол аяқпен секіремін (сол аяқпен секіру)
Екі аяқпен жүгіремін (бір орында жүгіру)
Шаттық шеңбері Күнім күліп арайлы,
Тереземнен қарайды.
Достарыммен шеңберге,
Тұрғанымды қалайды.
«Қолымда не бар?»ойыны
(Сөйлеуді дамыту, математика негіздері)
Мақсаты: өзінің дене мүшелерін оң-сол қол бағыттарын анықтап, ажыратуға үйрету, қол қимылдарының үйлесімділігін, түйсіну сезімдерін дамыту .
Ойынның мазмұны: баланың қолына әр түрлі ойыншықты ұстату. Мысалы, оң қолына аю, сол қолына қоян. Бала оң және сол қолында қандай ойыншық бар екенін анықтайды. Қалған балалар оның жауабын дұрыстығын тексереді.
