1-бала, 2-әке, 3-ата, 4-үлкен ата , 5-баба, 6-түп ата, 7-тек ата. Ал, атасынан баласына қарай атаса, былай болады: тек, түп ата, ұлы ата, баба, үлкен ата және ұрпақ: ата, әке, бала, немере, шөбере , шөпшек, немене әрі қарай туыстар атаулары: тужат, жүрежат, жұрағат, жат жұрағат, жекжат, жамағайын болып келеді. Жеті аталық ұстаным әрбір қазақтың, бабалар руһы алдындағы іштей жауапкершілік, иелік сезім күші. Ол-этникалық тұтастықтың қуатты арқауы, темірқазығы. Яғни, «Жеті атасын білмеген жетесіз», «Ата тегін білгеннің айыбы жоқ» деп, ұрпақтарына жеті атасын білуді аманат, өсиет етіп, айтып, жаттатып, артына данышпандар сөзін, ғұлама шежіресін қалдырған бабаларымызды біле түссек екен.
Рас жеті сөзінің нақтылы мағынасы абстрактанып (жалпыланып) кетіп те отырған дерлік те ой бар. Дегенмен, қалай айтсақ та, бұл сөздердің өсіп-өнген мұғдары. n... жылдар есебінде екеніне, сонда да ұстанатынына шәк келтіруге болмайды.
Сонымен: «жеті жұт», «жеті жетекші», «жеті күн», «жеті ғашық», «жеті ғалам», «жеті жоқ», «жеті ата», «жеті пұсты», «жеті қат көк», «жеті қат жер», «жеті амал», «жеті жетім», «жеті жарқа жер», «жеті қазына»- деген сөз оралымдары бар.
