Жаттықтыру барысының үздіксіздігі. Ол сабақтарды аптаға, айға, жылға және бірнеше жылдарға бөліп реттеу барысындағы жылайналымдық және көпжылдық жаттықтыруды қарастырады. Сабақтардағы үзіліс жаттықтырушы мен волейболшылардың еңбегін жоққа шығаруы мүмкін. Сабақтарды кезектестіргенде ондағы жүктемелер қалпына келтіру мен жұмысқа қабілеттілікті арттыруды қамтамасыз ететіндей болуы тиіс. Осының негізінде жүктемесі көп сабақтарды жүктемесі аз, бірақ демелысы белсенді сабақтармен кезектестіру қажет.
Жүктемені біртіндеп барынша арттыру. Бұл заңдылық жарыс барысындағы волейболшыларды бар күшін салып ойнауға дайындау қажеттігінен туындайды. Жаттықтыру сабақтары барысында шектік жүктемені жүйелі пайдалана отырып, жыл бойы немесе бірнеше жылдар бойына әдіс, тәсіл, дене дайындығының міндеттерін біртіндеп күрделендіреді. Жүктемені көлемі мен қарқыны бойынша ұлғайтады, мұнда жекелеген кезеңдерде олар түрліше өзгеруі мүмкін. Мұнда әдістемелік принциптерді, атап айтқанда, ыңғайлылық пен тұлғаландыру принципіне назар аударылады.
Достарыңызбен бөлісу: |
