Kkn/opd 209 «Кәсіпкерлік» пәні бойынша тақырып. Кәсіпкерлік және бизнес анықтамалары
жүктеу/скачать 319,5 Kb.
|
лекцияКәсіпкерлік
| 10 - тақырып.
Бизнес-жоспар негізі Лекцияның мақсаты: Кәсіпкерлік қызметтегі бизнес-жоспардың мәнін, оның қажеттілігін және құрылымын қарастыру. Лекцияның сұрақтары: Кәсіпкерліктегі бизнес-жоспардың мәні. Бизнес-жоспардың құрылымы Лекцияның мазмұны Кәсіпкерлік құрылымдардың шаруашылық өміріне «бизнес - жоспар» түсінігі жедел түрде енуде. Мұндай құжат, әдетте, инвестицияларды, қаржыландырудың сыртқы көздерін тарту үшін дайындалады: несие берушіден қаржы алу (банктік және басқа да несиелер, облигациялық қарыздар), тартылған инвесторлардың қаржысы (акцияларды сатудан, пайлық және басқа да салымдардан), бюджеттің инвестициялық қаржысы. Бизнес – жоспардың басқа да функциясы бар - кәсіпорынның барлық шаруашылық қызметін жоспарлау. Негізінде бизнес – жоспар жоғарыда аталған екі функцияны да қатар орындауы қажет. Бірақ, тәжірибеде сыртқы қаржыландыруға бағытталған бизнес – жоспардың және ішкі қолданыстағы бизнес – жоспардың құрылымы және мазмұны бойынша да біршама ерекшеліктері бар. Бизнес - жоспар– бұл бизнес – операцияларды, кәсіпорынның іс – әрекеттерін жүзеге асыру жоспары. Онда кәсіпорынның тауары, өндірісі, өнім өткізу нарықтары, маркетинг, операциялар мен олардың тиімділігі туралы мәліметтер болады. Бизнес – жоспарды жасап шығарудың мақсаты – нарық қажеттіліктеріне және қажетті ресурстарды алу мүмкіндігіне сәйкес таяу және болашақтағы кезеңдерге кәсіпорынның шаруашылық қызметін жоспарлау. Бизнес – жоспардың міндеттері болып келесілер табылады: кәсіпорынның ұзақ мерзімді және қысқа мерзіді мақсаттарын қалыптастыру, оларға жетудің тактикалары мен стратегияларын анықтап алу; кәсіпорын қызметінің нақты бағыттарын, нарыққа бағытталуы мен нарықтағы оның орнын анықтау; кәсіпорынның тұтынушыларға ұсынатын тауарлары мен қызметтерін анықтау және ассортиментті таңдау; өндірістік және өндірістік емес шығындарды бағалау; нарықты зерттеу, сатуды ынталандыру, баға белгілеу және т.б. бойынша маркетингтік шаралардың құрамын анықтау; кәсіпорынның қаржылық жағдайын бағалау, қолда бар қаржылық және материалдық ресурстарды, қойылған мақсаттарға жету мүмкіндіктерімен сәйкестендіру және т.б. Бизнес – жоспар келесідей негізгі функцияларды атқарады, атап айтқанда: кәсіпкер белгілі бір кезеңдегі қызметтің нақты нәтижелерін бағалай алатын құрал болып табылады; болашақта бизнесті жүргізу тұжырымдамасын жасап шығару үшін қолданылуы мүмкін; қаржылық ресурстарды иемдену құралы болып табылады; кәсіпорын стратегиясын жүзеге асыру құралы ретінде сипатталады. Осылайша, бизнес – жоспар кәсіпорын қызметінің мүмкіндіктерін талдауға және басымды мақсаттарды таңдауды негіздеуге, яғни оның қызмет етуінің стратегиясын айқындауға мүмкіндік береді. Бизнес – жоспарлардың түрлері. Нарықтық жағдай мен құрастыру мақсатына қарай бизнес – жоспарлар алуан түрлі болуы мүмкін: бизнес – линиялары бойынша (өнім, жұмыстар, қызметтер, техникалық шешімдер); жалпы кәсіпорын бойынша (жаңа немесе жұмыс істеп жатқан). Бизнес – жоспар кәсіпорынның дамуына немесе оны қаржылық сауықтыруға бағытталуы мүмкін. Сонымен қатар, кәсіпорынның тұтастай қызметі немесе оның бір бөлемшесінің қызметі жоспарлануыда мүмкін. Өзін – өзі бақылау сұрақтары: Кәсіпорын бизнес-жоспары дегеніміз не? Бизнес-жоспардың құрылымы. Ұсынылатын әдебиеттер: Сейдахметов А.С., Елшібекова Қ.Ж., Ізмаханова А.Қ. «Кәсіпкерлік» оқулық. Алматы: «Экономика», 2011, 344б. Предпринимательство: учеб. / под редакцией М.Г. Лапусты. – М.: ИНФРА-М, 2009. – 667 с. Елшібаев Р.Қ., «Кәсіпкерлік қызметті ұйымдастыру» Оқу құралы. Алматы: 2009ж. жүктеу/скачать 319,5 Kb. Достарыңызбен бөлісу:
|