Курстық ЖҰмыс «Абай Құнанбаевтың педагогикалық мұрасы және оның тәрбиелік қазынасын сақтай отырып оқытуда заманауи жаңғырту» Орындаған

Ақын жастар тәрбиесінің сан қырына, оның өзекті салаларына баса назар аударды, жас ұрпаққа үміт артты, олардың жүрек сезімін оятып, өзінің көкейкесті мақсат-мұраттарына жұмылдыруға ұмтылды. Жастардың еңбек етіп, ғылым мен білімге ден қоюы, алда тұрған мақсаттарына жету жолында табандылық көрсетуі қажеттігі сияқты асыл қасиеттерді уағыздау - Абайдың бүкіл ақындық қызметінің негізгі де үзілмейтін идеялық- тақырыптық желілерінің бірі.

Абай мектепте оқып жүрген қазақ балаларына үміттене қарап, елдің болашағы осылар деп қуанды. Елдің мешеулігін, халықтың қараңғылығын, надандықты әшкерелеп, жаңа өмірге бастар жол оқу-ағарту, адамның рухани жағынан азат болуы деп түсінді.

«Адамның білімі, өнері - адамшылықтың таразысы» деп санаған Абай білімді барлық атақ, құрмет пен бедел, байлықтан жоғары қояды. Ақын адамның ең қымбат кезі - жастық шақты оқуға, ғылымға жұмсауды еске салады. Ойын-сауықты кейін қоя тұрып, алдымен ғылым жолында еңбек ет, ізден, білімдіден үйрен, үлгі ал, солардай болуға тырыс дей келе: «Дүние де өзі, малда өзі, Ғылымға көңіл бөлсеңіз...», - деген тұжырым ұсынады.

Қазіргі Қазақстанда, әлемнің жаһандануы жағдайында ұлы Абайдың халықаралық деңгейде оқуға деген шақыруы өз тұлғасын, ұлттық және адами қадір-қасиетін сақтай отырып, достар санын көбейтуге, бүкіл әлеммен достықты нығайтуға бағытталған. Абай адамды жан мен ақылға ие, ажырамас тұлға ретінде түсінді. Абай үшін адам — ​​ғаламның орталығы. Рухани — бұл кітаптар мен халық даналығы, көркемдік және рухани тәжірибе арқылы сіңірілетін адамдағы анықтайтын принцип.

Ұлы ақын, ойшыл, гуманист, қазақ халқының ішкі ойларының өкілі Абай Құнанбаев үшін ең бастысы — адамгершілік, адам болмысының құндылығы, өмірден өз орнын табу. Абайдың кеңестері мен адамгершілік өсиеттеріне жүгіну біздің жеке моральдық жетілмегендігімізді жеңуге және әсіресе жас ұрпақты тәрбиелеуге көп көмектеседі.

Адамдардың адамгершілік ахуалын өзгертудегі тәрбиенің рөлін жоғары бағалай отырып, Абай тәрбие мен білім берудің адамгершілік мақсаттарын айқындайды. Абайдың пікірінше, білімнің ең жоғарғы мақсаты — баланы жұмысшы және патриот ету, ал оқытудың мақсаты — ғаламды танып білу, білім алу, білім және мамандық алу.

Өткен ғасырда Абай жариялаған моральдық нормалар бір жағынан арсыздықты, арамдықты, арсыздықты айыптайтын болса, екінші жағынан еңбекке деген сүйіспеншілікті, адамдар мүддесі үшін жанқиярлық күресті, адалдықты, шыншылдықты, ғылымды зерттеудегі табандылықты, оның ең жоғары этикалық идеалын көтереді деп айтуға болады. «Адам бол!» біздің уақытымызда өз маңызын жоғалтқан жоқ, сонымен бірге жаңа дыбыстық күшке ие болды және оларды барлығының мұқият зерттеп, шебер болуын талап етеді.

Ұлы кемеңгер ұстаздың «Адам баласының ең жаманы-талапсыз» деген сөзінде-ақ қазіргі XXI ғасырдың көкейкесті мәселелесі-жастардың төмен ынтасы, қызығушылығы мен жалқаулығы ең жаман қасиеттерінің бірі екенін, оның алдын алудың еліміздің болашағы мен өзіміздің жарқын өміріміз үшін маңыздылығы алдын ала болжанғандай.

Мен болашақ бастауыш сынып мұғалімі ретінде еліміздің ертеңін дұрыс дамытар жастарын тәрбиелеуді баланың жастайынан бастауды қолдап, еңбекқор, талапты, рухани бай, сапалы білімді, заманауи, тәрбиелі жастардың бойына ұлы философ, ағартушы, ақын, кемеңгер ұстаздың тәрбиелік қазынасын сақтай отырып оқытуда заманауи жаңғырту мәселесін зерттеп, оны дамыту мақсатында курстық жұмысымның тақырыбын «Абай Құнанбаевтың педагогикалық мұрасы және оның тәрбиелік қазынасын сақтай отырып оқытуда заманауи жаңғырту» деп алдым.