Қ азанақ – Багульник болотный – Ledum palustre L. Биіктігі 30-60 см, жапырақтары сирек үнемі жасыл түсті, сабағы тік, бұта тәрізді өсімдік. Ақ түсті ұсақ гүлі өсімдіктің бас жағында шатыр тәрізді орналасқан. Өсімдік гүлдеген кезде есенгіретіндей иісі бар. Сондықтан мал кәдімгі жағдайда оны жемейді. Оның құрамында өсімдікке ерекше иіс беретін, терпен ледолдан тұратын эфир майы бар. Сонымен қатар эриколин глюкозиды табылған. Эфир майының құрамындағы ледолдың жергілікті қатты тітіркендіретін қасиеті бар. Организмге көп түскенде орталық жүйке жүйесін салдандырады, ішектер, жатыр салданады. Жүрек пен тыныс алу жүйелерінің қызметін бұзады. Қазанақпен уланған қойлар мен ешкілерде ауыр түрдегі гастроэнтерит анықталған.
Орталық жүйке жүйесін қажытатын және салдандыратын әсері бар өсімдіктер.
