Гносеологиялық құрылымы, нақты шындықты бейнелеу көзқарасы тұрғысынан саяси сана элементтері арасындағы айырмашылықтарды ашып көрсетеді. Яғни, субъектілердің барлық көзқарастарын білім ретінде қарауды ұсынады. Саяси әлемді бейнелеудің мифологиялық, утопиялық және ғылыми типтерінің арақатынасын қарастырады.
Аксиологиялық құрылымы, саяси түсініктерді алуан түрлі пайымдаулар мен баға берулер ретінде түсіндіреді, субъектінің қайсыбір құнды басымдылықтарын білдіреді. Сондықтан саяси институттар, нормалар мен процестер жағымды және жағымсыз бағалануы мүмкін. Бұл бағалаулар саяси сананы толықтырады.
Әлеуметтанулық құрылым,саяси сананың барлық элементтерін, олардың алатын орнын, практикада ойнайтын рөлін сипаттайды. Бір жағынан, осы құрылым шеңберінде жеке даралық, топтық немесе бұқаралық сананың формасы сипатталса, екінші жағынан, адам ойының мазмұнының ауысу процесінің компоненттері сипатталынады.
