Австралия түйеқұстары (казуарлар) – эму және казуардың бірнеше түрі бар. 4. Қанатсыз түйеқұстар (кивилер) – үш түрі бар. 5.Тинамутектестер (жасырынкүйрықтылар) – 47 түрі бар.
Пингвиндер (жүзетін) отряд үсті. Бұған бір ғана пингвин-тектестер отряды жатады. Оның
түрі оңтүстік жарты шардағы теңіздерде таралған. Пингвиндердің алдыңғы аяқтары ескекке айналған. Құрлықта денесін тік ұстап баяу қозғалады. Төссүйегі-нің қыры біршама жақсы дамыған. Денесі тығыз қауырсын-дармен қапталған. Пингвиндер моногамды құстар (бір аналығы бір аталығы жұп құрып тіршілік етеді). Пингвиндердің ең ірілері – император, король пингвиндері деп аталады. Император пингвинінің бойының биіктігі 110-120 см., салмағы 45-50 кг. Антрактиданың жағалауында таралған. Ірі жұмыртқасын сауса-ғының үстінде ұстап, құрсағындағы терілі қатпарымен жауып тұрады. Король пингвині император пингвинінен кішілеу, оның бойының ұзындығы 90-95 см. Аделия пингвинінің саны көп, әрі кеңінен таралған тұр. Ол ұясын құрлықтағы ойыс жерлерге салады. Алтыншашты пингвинінің – көзінің үстіңгі жағында алтын түсті шоқ қауырсыны болады. Үнді, Атлант мұхиттарынын оңтүстік бөлігінде таралған. Көзілдірікті (африка) пингвин Африканың оңтүстік-батыс жағалауында кездеседі. Галапагосс пингвинінің денесі шағын, бойының ұзындығы 50 см.-дей. Пингвиндердің кәсіптік мәні жоқ.
Кәдімгі құстар отряд үстіне жалпы сипаттама. Кәдімгі құстар отряд үстінің жеке отрядтарына жалпы шолу
Кәдімгі құстар отряд үстіне көбіне ұшатын құстар жатады. Олардың төссүйегінің қыры өте жақсы дамыған. Сүйектері жеңіл, жабын қауырсындарының желпуіштері тығыз. Жіліншіктері толарсақ табан сүйектерінің тұтасып кетуінен пайда болған.
Достарыңызбен бөлісу: |
