Таспа қрұттар класы – Cestoda

Бұл класс тек қана эндопаразиттік өмір сүреді, жұмыртқалары өте аз уақыт сыртқы ортада бола алады, ересек кезінде әртүрлі омыртқалы жануарлардың, адамны, ішегінде тіршілік етсе, ал личинкалары омыртқасыз және омыртқалы жануарлардың ішкі мүшелерінде, дене қуысында тіршілік етеді. Денесі созылыңқы, ұзындығы 1 мм-ден 15 м-ге дейін жетеді. Денелері проглоттидтер деп аталатын жеке буындардан тұрады. Денесінің алдыңғы ұшында сколекс деп аталатын басы болады. Басы домалақ,сүйір, жалпақ пішінді болып келеді. Ол қадалып жабысатын мүшелермен қаруланған, олар: сорғыштар, ботридиялар –ерекше ұзын қысқыш аппараты, ілмешектер, тіркелгіш шұңқырлар, имекқармақшалар, тістер.

Ас қорыту жүйесі толығымен жойылған.

Зәр шығару жүйесі – протонефридиялы.

Қан айналу және тыныс алу жүйесі жоқ.

Нерв жүйесі нашар дамыған. Орталық жүйке жүйесі жұп ми ганглиясынан тұрады, олардан артқа қарай бірнеше жұп нерв бағаналары тарайды.

Сезім мүшелері нашар дамыған.

Жыныс жүйесі гермафродитті.