ІІ-а топша элементтерінің периодтық кестеде орналасуы
Бериллий Ве — периодтық кестеде ІІ а тобындағы химиялық элемент, атомдық нөмірі 4, атомдық массасы 9,0122, жеңіл, ашық сұр түсті металл. Тұрақты бір изотопы (9Ве) бар. 1798 ж. берилл минералынан француз химигі Л.Воклен тапты. Металл күйінде алғаш рет неміс химигі Р. Влер алды.
Магний Mg, элементтердің периодтық жүйесіндегі ІІ а топтың элементі, атом нөмірі 12, атом м. 24,312. Табиғатта үш изотопы бар: 24Mg, 25Mg, 26Mg. 1808 ж. ағылшын ғалымы Г.Дэви (1778 — 1829) ашқан. Жер қыртысындағы масса бойынша мөлшері 2,1% ті құрайды. Ол барлық қосылыстарында екі валентті. Қосылыстары: магнезит, доломит, карналлит, бишофит, оливин, каинит.
Магний құймаларының өнеркәсібінде, құймаларды легирлеуде, қиын тотықсызданатын және сирек металдарды металлотерм жолмен алу үшін магнийорганикалық қосылыстар синтезінде қолданылады.
Кальций IV период, II топтың негізгі топшасының элементі. Реттік немірі 20, ендеше ядросында 20 протон мен 20 нейтроны бар (Аr = 40), электрондарының жалпы саны да 20. Кальцийдің электрондық формуласы ls22s22p63s23p64s2. Кальций косылыстарында II валентті. Табиғи қосылыстары кездесетін қосылыстары: сульфаттар CaS04• 2Н20 ғаныш, карбонаттар - СаС03, доломит СаС03 • 2MgC03, фосфорит Са3(Р04)2, флюорит СаҒ2 және т.б. Түсі күмістей ақ, жеңіл металл, белгілі изотоптары 14, табиғи изотоптары 6.
Достарыңызбен бөлісу: |
