Демократия – халық билігі; өкімет билігі халықтың қолында саяси құрылыс. Деспотия – шексіз, абсолюттік заңсыз билік.
Депортация – (латынша – қуғындау) – 1920-1940ж.ж. жаппай қуғын-сүргін кезіндегі КСРО – ның бірқатар халықтарын тарихи отандарынан қуғындау, еріксіз мемлекет шекарасынан шығару. Депортация ауыр қылмыс болып саналады.
Десятина – 1) орысша жер көлемінің өлшемі 1,09 га; 2) астықтың немесе түсімнің оннан бір бөлігі Х ғасырдан бастап белгілі болып, ХХ ғасыр басына дейін қолданылған.
Диктатура – (латынша – шексіз билік) – белгілі бір тұлға, топ, топтың шексіз билігі. Басында басшысы бар белгілі бір топ жүзеге асыратын барлық саяси, экономикалық, идеологиялық билік.
Династия – бірін-бірі туыстық жіне мұрагерлік құқы бойынша тақта алмастыратын бір рудан шыққан монархтар.
Дислокация – 1) жаяу әскер мен әскери мекемелерді бейбіт уақытта оларға бөлінген жерлерде орналастыру; 2) әскери бөлімдерді майданға, әскери әуе күштерді қысқы уақытта аэродромға орналастыру.
Дискриминация – жеке тұлға немесе топтарды белгі бір белгісіне қарай (ұлты, нәсілі, діні, жынысы, меншіктік жағдайы және т.б.) құқықтарын шетеу немесе айыру.
Диссиденттер – тоталитарлық режим кезінде көпшілік немесе ресми көзқарасқа қарсы шыққан тұлғалар. КСРО-да диссиденттер негізінен құқық қорғаушылар болды.
Дүниежүзілік соғыс – капиталистік елдердің ыпал ету сфералары, шикізат көзі, дүниежүзілік үстемдік үшін қақтығыстың күшеюінің нәтижесі.
Е Егінші – жер өңдеуші.
Езгі (отарлық езгі) – бір адамдарды басқа адамдардың бағындыруы және қанауына бағытталған.
Екінші дүниежүзілік соғыс – 1939ж. 1-ші қыркүйекте басталған жаңа дүниежүзілік соғыс; адамзат тарихындағы ең үрейлі, қатал жойқын соғыс.
Екінші майдан – фашистік Германияға қарсы соғыс кезеңінде 1944ж. маусымда АҚШ пен Ұлыбританияның Нормандияға одақтастар әскерін түсіруімен ашылды.
