Махаббат қызық мол жылдар
жүктеу/скачать 2,12 Mb. Pdf көрінісі
|
Махаббат қызық мол жылдар 1
| Әдеби KZ
– Қойшы, сен білесің ғой, адамның жақсы, жаманын бірден айырасың ғой, – деп 3. – Танысқандарыңа қанша болды? – дедім ол қыр соңымнан қалмаған соң. – Бақандай он алты күн. – Тым аз екен, – дедім мен басымды шайқап. – Сеніңше, жігіт пен қыз қанша уақыт таныс боп жүруі керек? – Бір жыл, екі жыл. – Ойбай, - деп 3. ның көзі бақырайып кетті. – Оған дейін менің ішім жарылып кетеді-ғой, Меңтай-ау. – Жігіттің жанын сынау айлар мен жылдарды керек етеді дейді, – деп мен күлдім.
– Қойшы, күлмеші, мен оның барлық қасиеттерін санап шығайын, сен маған оның қандай жігіт екенін айтып берші. З. өлердегі сөзін айтып, жалынғандай болды. Мен оған екі-үш сұрақ қойдым. – Жігітің арақ іше ме? – Ептеп ішеді, бірақ көп емес. – Mac болғанын көрдің бе? – Бір-ақ рет. Онда да бір вечерде жолдастары іш-іш деп болмаған соң... – Басқа қандай мінін білесің? – Басқа ешқандай міні жоқ: жақсы билейді, иіліп тұрады, киноға апарады. Оның үстіне ағасы жақсы қызметте көрінеді. З. мен жігітін жаман екен деп айтып қала ма деп сасқалақтағандай, оны үсті-үстіне мақтай жөнелді.
|