Махаббат қызық мол жылдар
жүктеу/скачать 2,12 Mb. Pdf көрінісі
|
Махаббат қызық мол жылдар 1
| Әдеби KZ
– Менің шарабым, шербетім мінеки, – деп қасымда бейқам отырған Меңтайдың бетінен сүйіп кеп алдым. – Күн сайын ішесің, күнде мас боласың, ә? – деді Жомартбек желпініп. – Иә. Зайкүл сықылықтай күліп, стаканға қайтадан қолын созды. – Олай болса, ішемін. – Ербол, Зайкүлмен соғысып ішсеңші, – деп Меңтай маған да құйды. – Ендеше маған да тамыз, – деп Жомартбек те стакан тосты. – Бәрібір Ербол Зайкүл екеумізге басқа шарап-шербетінен татырмайды. Зайкүл орта стакан шарапты бір-ақ қағып салды да, күлді кеп. – О не, Зайкүл? – деді Жомартбек бұрылып. – Менің шарабым басқа дегенде мұның өзі оңаша ішіп жүрген бәлзамы бар екен десем. Мен бір мықтының үйінен ішкемін ондай бәлзамды. Бірақ оның сауыты қыздың беліндей жіп-жіңішке болады екен. – Осы арада Зайкүл көзінің қиығымен Меңтайға қарап қойды. – Ал, мына Ерболдың бәлзамының сауыты... – Зайкүл одан сайын сықылықтады. – Аузын кенеппен тығындап қоятын қойшылардың карелин сауытына ұқсай ма, қалай, Жомартбек? Меңтай қызарып кетті, бірақ үндемеді. Іші білініп, жүріс-тұрысы ауырлап қалған жарымды сөккені маған да ұнамады. Жомартбек те теріс айналып кетті.
|