Мамасерікова Ш. · М
жүктеу/скачать 1,6 Mb.
|
| МАҢҒЫСТАУДЫҢ МҰЗБАЛАҒЫ
(Жамбыл облыстық сотының төрағасы Н. Чиняевқа) Жаппасын деп шөкімдей бұлт күн көзін, Жанған отқа лақтыратын кіл өзін. Аппақ күрес, адал майдан арқылы Асқақтатқан азаматтық мінезін. Ақ-қараны өз атымен атайтын, Арамзаның аяқ-қолын матайтын. Адасқанды үйіріне қоса алар, Таразда жүр бір перзенті адайдың. Ақиқаттың шеңберінен шықпаған, Аждаһа ашкөз қаһарынан ықпаған. Әйтекедей асылдардың тұяғы ол, Әділеттің туын әсте жықпаған. От шайнаған найзағайдан нәр алған, Арыстандай айбарлы елден жаралған. Маңғыстаудың мұзбалағы атанып, Шапағаты шартарапқа таралған. Жұрт байлығын жымқыратын, ұрлайтын, Жемқорларға үнсіз қарап тұрмайтын. Жең ұшынан жалғасқанды аямас, Турашыл би туғаныңа бұрмайтын. Күрмеуі көп тіршіліктен түңілген, Кездерімде жасып талай бүгілгем. Бәрі ақшаға сатылатын заманда, Азбас ерді жолықтырдым бүгін мен. Таразылар озбырлық пен обалды, Сені көріп күдік, қайғым жоғалды. Көбейсе екен Нұрғожадай жігіттер, Кір-қоқыстан тазартатын қоғамды!.. ҚАРА НАР Алғыр ұл күткен сағына, Тудың ба жұрттың бағына. Абырой, даңқпен жеттің сен Алпыстың алтын таңына. Шапағаттөккен шат түсі, Жүрегі таза, пәк кісі. Баянды болсын қашан да Басыңа қонған бақ құсы. Отанды сүйсең егер шын, Маңдайдың терін төгерсің. Алғысын алып халықтың, Көсегең күнде көгерсін. Шындарға ұшып бара алар, Сұңқар да жерден нәр алар. Әділет көшін бастай бер, Қас үлек туған қара нар. Жақсыдан дәйім үміткер, Ұмытпас дәстүр, ғұрыпты ел. Ұлағат тұтсын өзінді, Ұлт қамын жейтін жігіттер!.. жүктеу/скачать 1,6 Mb. Достарыңызбен бөлісу:
|