Мақсаты: Білімділігі

– Балалар, бүгін бізде ерекше күн. Қане,орнымыздан тұрып, апайлармен амандасып алайық.

Ал енді балалар, назарымызды теледидарға аударайық.

–Балалар, біз теледидардан не көрдік?

Көзіңе көрінбейді,

Тоңдырып қызартады.

Күні-түні ерінбейді,

Өзенге мұз артады. (Аяз)

-Балалар, аяз жылдың қай мезгілінде болады?

– Қыс мезгілінде болады. Қыс айларын білесіңдер ме?

– Желтоқсан, Қаңтар, Ақпан

– Қыс мезгілінде ауа-райы қандай болады?

– Салқын болады, беті-қолымыз тоңады. Қар жауады, боран болады.

-Қыс суық,қарлы,аязды болады.Қыста қар жауып,ағаштарға қырау болады.

– Қыста біздер қалай киінеміз?

– Жылы киімдерімізді киеміз.

– Қандай қысқы ойындарды білеміз?

– Аққала соғамыз, шанамен сырғанаймыз, шаңғы, коньки тебеміз.

Жарайсыңдар балалар, қар жауады, аяз болып, боран соғады.
Ендеше, боран соққанын қимылмен қалай көрсетеміз?
( Балалар қолдарын жоғары көтеріп, гуілдейді)
Қатты аяз болып, тоңғанда не істейміз?
(Қолдарын қусырап, аяқтарын топырлатады)
Ал, күн шыққанда не істейсіңдер?
(Алақай, деп қолдарын көтереді)

ІІ. Негізгі бөлім – Дұрыс айтасыңдар. Қарлы боранымен, сықырлаған аязымен қыс та келді. Бірақ біз қыстан қорықпаймыз денемізді шыңдаймыз, жылы киінеміз.

-Балалар, мынау ненің суреті?
- Аққала
- Аққала неден жасалады?
- Қардан
-Қане, барлығымыз қарды қолмен ұстап көрейік.
Балалар қарды қолмен ұстап көреді.
- Қардың түсі қандай?
- Ақ
- Қар суық па, жылы ма?
- Суық.
- Аққала неше бөліктен тұрады?
- Үш бөліктен тұрады
- Оның бөліктерінің пішіндері қандай?
-Дөңгелек
Ғажайып сәт./Осы кезде аққала келеді/
(Есік тықылдатып, музыкамен аққала келеді) – Қараңдаршы, балалар, бүгін бізге қонаққа аққалакеліпті.

Аққала:

–Сәлеметсіңдер ме, балалар? Мен сендерге қонаққа келдім. Көптеген тапсырмалар ала келдім. Балалар аққала бізге құр келмепті, көптеген тапсырмалар ала келіпті. – Қане, балалар олай болса аққаланың әкелген тапсырмаларын бірге орындайық.Мына сандықшаның ішінде сендерге арналған сыйлықтарым бар.


Аққаланың тапсырмалары:

1тапсырма: – Ал, ендеше балалар қыс туралы тақпақ білсек айта қояйық. (Балалар өздері білетін тақпақтарын айтады)

2 тапсырма: Қар ұлпаларын жасау .

Шарты: Күнделікті пайдаланып жүрген дайын пластмассты ыдыстың астыңғы бөлігінен қар ұлпаларын жасау. Жасаған ұлпаларды ағашқа ілу.

Сергіту сәті: – Балалар, ендеше орнымыздан тұрып бойымызды сергітіп алайық.(музыкамен әуенімен іс –қимыл жасау)

3 тапсырма: “Сыңарын тап”дидактикалық ойыны.

Ойын шарты:Бірнеше қыстық қолғаптар берілген,сол қолғаптардың ішінен сыңарларын тауып қою керек.

4 тапсырма: “Аққала” ойыны.

Ойын шарты: үстел үстінде жартылай қиылып жасалған аққала бөліктері ілінеді. Үстел үстінде қалған бөліктері: басына киетін шелегі, аузы, көзі,ілгегі сияқты суреттері жатады. Балалар осы бөліктерді алып, аққала жасайды.

– Қардан не жасаймыз? – Сырғанаққа бару үшін қалай киіну керек? Мадақтау: Балалар, сендер бүгін ұйымдастырылған оқу қызметіне өте жақсы қатысқандарың үшін аққала сендерге рахметін айтып жатыр. Ол сендерге   сыйлықтарын береді.

Ақмола облысы

Зеренді ауданы

Шағалалы ауылы

«Балдырған» балабақшасы
Тақырыбы

«Қысқы табиғат»

Ашық сабақ

Тәрбиеші: Исаханова Ж Т.