Талдықорған әскери гарнизоны

Алматы облысының мекемелерін аралау қорытындысы бойынша жергілікті атқарушы органдар басшыларының, бұқаралық ақпарат құралдары және Алматы облысының мекемелерін аралау мониторингінің нәтижелерін жіберген үкіметтік емес ұйымдардың өкілдерінің қатысуымен Адам құқықтары жөніндегі уәкіл баспасөз конференциясын өткізді.

Адам құқықтары жөніндегі уәкілдің облыс мекемелерін аралау барысы республикалық және жергілікті телекомпаниялардың телеарналарында, сондай-ақ баспалық бұқаралық ақпарат құралдарында жарияланды.

Екі облысты аралаудың қорытындысы бойынша мемлекеттік органдарға пенитенциарлық мекемелер мен әлеуметтік-медициналық сала мекемелерінде қалыптасқан жағдайларды түзету бойынша 13 ұсыным берілді. Аралаудың нәтижелері туралы ақпарат берілген мемлекеттік органдар: Қазақстан Республикасы Президентінің Әкімшілігі, Қазақстан Республикасы Премьер-Министрінің Кеңсесі, Қазақстан Республикасы Білім және ғылым министрлігі, Қазақстан Республикасы Денсаулық сақтау министрлігі, Қазақстан Республикасы Әділет министрлігі, Ақмола және Алматы облыстарының әкімдіктері.

«Адам құқықтарын сақтау мониторингі» бөлігінде мониторингтің нәтижелері туралы барынша егжей-тегжейлі айтылады.

Қазақстан Республикасы Әділет министрлігінің Қылмыстық-атқару жүйесі комитеті мен Денсаулық сақтау министрлігінен Ақмола облысы мекемелерінің мониторинг қорытындысы бойынша ұсынымдарды және ол бойынша қабылданған шараларды ескеру туралы жауап келді. Ұсыным осы уәкілетті органдардың оң өзгеруіне ықпал етті. Айталық, Уәкілдің Ақмола облысының пенитенциарлық жүйе мекемелерін аралауына қатысты Қазақстан Республикасы Әділет министрлігіне жіберген ұсынымның қорытындысы бойынша айқындалған кемшіліктерді жою жөніндегі жүзеге асырылған шараларды сипаттаған толық жауап алынды.

Атап айтқанда, ЕЦ-166/23 мекемесі төсек жинақтарын сатып алған, ескірген жұмсақ мүккәмалдар жаңаға ауыстырылған. Соынмен бірге ҚАЖ мекемелерінде ұсталатын адамдардың материалдық-тұрмыстық жағдайлары мен тамақтануын жақсарту мақсатында Қылмыстық-атқару жүйесі комитеті төсеніштерді пайдалану мерзімін азайтуды көздейтін тиісті қаулы жобасын әзірледі.

Алматы облысы мониторингінің қорытындысы бойынша Адам құқықтары жөніндегі уәкілдің ұсынымдарымен жұмыс жалғасуда.

Құқық қорғау мониторингі барлық мемлекеттік құрылымдардың адам құқығы саласындағы халықаралық стандарттарды қамтамасыз етуіне бағытталған азаматтарды құқықтық қорғау тетіктерінің басты элементтерінің бірі болып табылады. Осыған байланысты Адам құқықтары жөніндегі уәкілдің мониторинг қорытындысы бойынша ұсынымдары оның азаматтардың құқықтары мен мүдделеріне жан-жақты қолданылуы тұрғысында құқық қолдану тәжірибесіне тікелей ықпал етуі мүмкін.

3. Адам құқықтарын сақтау мониторингі
3.1. Балалардың құқықтарын қорғау және қолдау
Адам құқықтары жөніндегі уәкіл балалардың құқықтары мен мүдделерін қорғауға ерекше көңіл бөледі. Басымдылығы бойынша іс-қимыл балалардың құқықтарының бұзылуы туралы шағымдарды қарау, балалар мекемесіне мониторинг жүргізу, ағартушылық, білім беру және жобалау қызметі арқылы іске асырылады. Жұмыстың аталған бағыттары туралы ақпарат осы есептің тиісті бөліктеріне енгізілді, осы тарау Адам құқықтарын жөніндегі уәкіл мекемесі жүзеге асырған балалардың құқықтарын қорғаудың аса күрделі салаларына және балалардың құқықтарына қатысты аса маңызды оқиғаларға арналған.

2007 жылы Баланың құқықтары туралы конвенция өзінің он сегіз жылдық кезеңін атап өтті. Қазақстан Баланың құқықтарын қорғау туралы конвенцияны ратификациялаған сәттен бастап 13 жыл өтті және осы кезеңде көп іс атқарылды.

Қазақстан БҰҰ Баланың құқықтары туралы комитеттің алдында Баланың құқықтары туралы конвенция нормаларының орындалуы туралы екі рет есеп берді. Елімізде Қазақстан Республикасы Білім және ғылым министрлігінің жанында Баланың құқықтарын қорғау жөніндегі комитеті жұмыс істейді. Оның негізгі міндеті балалардың құқықтары мен заңды мүдделерінің қорғалуын қамтамасыз ету бойынша мемлекеттік саясатты іске асыру болып табылады. Биыл Комитет Қазақстанның барлық облыстарында өзінің аумақтық бөлімшелерін ашты. Комитеттің құрылымдық бөлімшелері Балалардың құқықтарын қорғау жөніндегі департамент атына ие болды. Қазақстанның екі қаласында ювеналды соттар құрылды, ювеналды әділет тұжырымдамасы әзірленуде, Баланың құқықтары туралы конвенцияның нормаларын іске асыру жөніндегі ұлттық іс-қимыл жоспарының жобасы дайындалды, Балаларды қорғау және шетелдік бала асырап алуға қатысты ынтымақтастық туралы конвенцияны ратификациялау мәселелері қарастырылуа, Неке (ерлі-зайыптылық) және отбасы туралы кодекстің жобасы әзірленді.

Мемлекет Басшысы «Жаңа әлемдегі жаңа Қазақстан» деген өзінің жыл сайынғы Қазақстан халқына Жолдауында ел Үкіметінің алдына 2007 жылға Қазақстанның әлемдегі бәсекеге қабілетті елу елдің қоғамдастығына жедел енуіне бағытталған бірқатар күрделі міндеттер қойды. Аталған құжатта әлеуметтік жағына зор мән берілген, бірінші кезекте жәрдемақыларды көбейту, жұмыс істейтін әйелдер үшін жүктілікті, тууды және ана болуды әлеуметтік сақтандыру жүйесін енгізу арқылы ана мен баланы әлеуметтік қорғауға көңіл аударылды. Осы өзгерістердің барлығы 2008 жылдан бастап іске асатын болады.

Балалық шақты қорғау проблемасының жаһандануы балаларға қатысты мәселелердің жоғары халықаралық деңгейде талқылануымен де расталуда.

Мәселен, 2007 жылғы 11-12 желтоқсанда Нью-Йоркте әлемдегі балалардың жағдайына арналған, жоғары деңгейдегі салтанатты пленарлық отырыс болып өтті. Осы іс-шараны ұйымдастыра отырып, халықаралық қоғамдастық балалардың өміріне қолайлы әлем жасау ісін қолдайтынын тағы да бір растады. Баланың мүдделерін жақсы жағынан қамтамасыз ету кезінде адамның орнықты дамуы демократия, теңдік, кемсітпеу, бейбітшілік пен әлеуметтік әділдік қағидаттарына, сондай-ақ балалардың құқықтарының маңыздылығына, олардың ажыратылмайтын және әмбебап сипатына, олардың адамның басқа да құқықтарына айқын ететін әсеріне негізделеді.