Мектеп директорының м а Қ. К. Абенов

Мектеп директорының м.а

_____ Қ.К.Абенов

Бестөбе кентінің №1 орта мектебінің әлеуметтік ұстаз онкүндігінің жоспары

15-25.10.2015

2015-2016 оқу жылы

№1Бестөбе орта мектебінде

Өткізілген онкүндіктің жалпы мақсаты - бәсекеге қабілетті, үлкенге құрмет, кішіге ізет көрсете алатын, тілін, дінін құрметтейтін, елінің нағыз патриоты бола алатын тұлғалар қалыптастыру, оқушылардың бойындағы білімге деген құштарлықты, еңбекке деген сүйіспеншілікте дамыту,салауатты өмір салтын насихаттау, жас ата -аналарға психологиялық көмек көрсету, ҰБТ тапсырушылардың өздеріне деген сенімдерін арттыру т.б

Жоспарға сәйкес онкүндіктің алғашқы күнінде бастауыш сынып оқушыларымен «Өмір сен маған қымбатсың» деген тақырыпта сабақ өтті . Бұл шараның мақсаты : бастауыш сынып оқушыларын жолда жүру ережелерімен таныстыру болып табылды. Ертеңгілікте оқушылар

ҚР ІІ полициясының ұйымдастыруымен түсірілген «Жолдос көмекке асығады» атты бейне көрініс көрсетіліп, оқушылар осы көрініс бойынша сұрақтарға жауап берді. Өздері білетін жол ереже белгілері туралы мағлұматтар айтып, сонымен қатар жұмбақтар шешті, өлеңдер оқылды. Жол ережелері белгілері бойынша сұрақтарға жауап берді. Өрт қауіпсіздігі туралы да қысқаша слайд көрсетіліп тілсіз жаудан сақтана білу керектігі ескертілді. Өзен, көл , тоған жанындағы судағы қауіпсіздік ережелері айтылды. Сабақ соңында қорытынды жасалды.

Сонымен қатар алғашқы күні 8-9 сынып оқушыларымен «Жемқорлық –індет, оны жою-міндет» тақырыбында тәрбие сағаты өтілді. Қазіргі кездегі қоғамда етек алып келе жатқан коррупция туралы фактілер айтылып, оны жою жолдары қарастырылды.Сабақ барысында видео-сюжеттер көрсетіліп, талқыланды. Сонымен қатар оқушылар сабақ барысында шағын көрініс ұйымдастырды.

Жоспарға сәйкес 6- сынып оқушыларымен «Таңда жастай жолдың дұрысын» тақырыбында сынып сағаты өтті. Бұл іс шарада оқушылар зиянды заттардың (есірткі, темекі ,алкоголь) адам ағзасына тигізетін зияны туралы ой талқыланды. Оқушылар өздері слайд дайындап әкеліп, оны қорғады.

Ал бастауыш сыныптарда «Мейірімді жүрек», «Жүрек жылуы» «Жаным толған жақсылық» сияқты сынып сағаттары мен «Жүрек жылуы» тақырыбында психологиялық тренинг өткізілді. Тренинг барысында ойындар ойналды. Тренинг мақсаты:оқушыларды адамгершілік құндылықтарға баулу, мейірбандылыққа тәрбиелеу, өзара сыйластық қарым -қатынастарын дамыту болып табылды. Сыныптағы достық қарым-қатынастарын нығайту көзделді. Тренинг соңында оқушылар өз ойларымен бөлісіп, тренингтен алған әсерлерін ортаға салды. Ал жоғарғы сыныптарда «Мен қарым-қатынаста қандаймын?» деген сауалнама алынды. Сонымен қатар «Жасөспірім және келіспеушілік» тақырыбында пікірталас ұйымдастырыды. Бұл пікірталаста күнделікті өмірде кездесетін кикілжіңдер, қақтығыстар талқыға салынып, құқық бұзушылықтың алдын-алу жұмыстары жүргізілді.

Онкүндікке арналған стенд жасалып, стендте ата-аналарға кеңестер, оқушларға салауатты өмір салтын насихаттау жолдары, дұрыс тамақтану қағидалары ілінді. Өмірдің қадір-қасиеті туралы ғибратты сөздер айтылып, өмірді дұрыс бағалай білуге бағдар берілді.

Ал ата-аналармен «Менің бақытты отбасым» атты ойбөліс өткізілді. Басқосу барысында түрлі жағдаяттар талқыланып, отбасында татулықты сақтап қалу жолдары түрлі ойындар арқылы көрсетілді.

Ал мектептің 11 сынып оқушыларымен «Өмірімнің бастауы-мамандығым» тақырыбында тренинг ұйымдастырылды. Бұл іс шараның мақсаты болашаққа қадам басар түлектерге бала шақтан болашаққа аттанарда нені ескеру, дұрыс мамандық таңдау жолдары айтылды. Өздерінің таңдаған мамандықтары туралы басқалармен ой бөлісті. Тренинг барысында«Сынаққа сеніммен барайық» атты психологиялық тренинг өткізіліп, «Болашаққа қадам» атты кәсіптік бағыт -бағдар берілді. Ұсыныстар мен кеңестер берілді. Оқушылар бір серпіліп қалды.

Онкүндік соңында қамқоршылық айлығы мен «Мектепке жол» акциясының қорытындысы ретінде «Қайырымдылық жасау-ізгі қасиет » атты қайырымдылық кеші өткізілді . Қамқоршыларға мектеп әкімшілігі тарапынан алғыс білдірілді. Ал қамқоршылар «Мектепке жол»акциясы аясында көрсетілген көмекке ризашылықтарын білдіріп, алғыс айтты. Шағын концерт қойылды.

Онкүндік бойынша жоспарланған шаралар мерзімді уақытында өтіліп, оқушыларға да ,ата-аналарға да, ұстаздар қауымына да септігін тигізді деп ойлаймын.

Есеп беруші: №1 Бестөбе орта мектебінің

әлеуметтік педагогы Кусайнова А.Е