БИОМЕХАНИКАЛЫҚ АСПЕКТІЛЕР Негізі ұшудың ұзындығы мен биіктігі келесі көрсеткіштермен анықталады: а) серпілу жылдамдығы b) серпілу бұрышы c) ұшқандағы дене массасы центрінің биіктігі. Бұл көрсеткіштердің ішіндегі ең маңыздысы - серпілу жылдамдығы мен серпілу бұрышы. Дене массасы центрінің көтерілу биіктігі спортшының бойымен анықталады. Дегенмен итерілген кезде спортшының орыны оған қатты әсер етеді. Серпілу жылдамдығы мен ұшу бұрышы – спортшының итерілгенге дейінгі және одан кейінгі іс-әрекеттерінің нәтижесі. Осылайша, барлық секіру түрлерінде серпілу ең маңызды болып табылады. Сырықпен секіруде ұшу биіктігіне әсер ететін қосымша факторлар бар. Олардың ішіндегі ең маңыздысы - серпілу кезінде энергияны сырыққа беру, сосын спортшы денесінің қосымша ұшуын тудыру үшін итерілгеннен кейін сырықтағы энергияны қайтару болып табылады. Итерілген соң, ұшу траекториясын белгілегенде нәтижеге кері әсер етеді: биіктікке секіргенде белгітақтайшасын тиімсіз асу немесе ұзындыққа секіруде және қатарынан үш рет секіруде жерге түсудің жаман техникасы.
